ငါ့ဖေဖေ

ငါဖေဖေမရှိသေးဘူးကွ။
ငါ့ဖေဖေက မိုးပေါ်သွားတယ်။
ငါ့ဖေဖေကို မင်းဖေဖေက သေနတ်နဲ့ ဒိုင်း..ဆိုပစ်လိုက်တာ။
ငါ့ဖေဖေက မိုးပေါ်ရောက်သွားတယ်။
ငါ့ဖေဖေပြန်လာမှာလို့ ငါ့မေမေကပြောတယ်။
ငါ့ဖေဖေပြန်လာရင် မိုးပေါ်က ကစားစရာတွေ ပါလာမှာ။
ငါ့ဖေဖေလိုငါလည်း မိုးပေါ်ရောက်ဖူးချင်တာပေါ့။
ငါ့ဖေဖေလိုပဲ ငါသေနတ်နဲ့ အပစ်ခံမယ်။
ငါ့ဖေဖေလိုပဲ ငါမိုးပေါ်သွားမယ်။
ဒါပေမဲ့ ငါ့ဖေဖေပြန်လာမယ့်အချိန်ဆို ငါတို့သားအဖ လမ်းမှာလွဲနေဦးမယ်။ မငိုပါနဲ့ကွာ။
မင်းဖေဖေလည်း မိုးပေါ်မှာပဲမဟုတ်လား။
ငါ့ဖေဖေ ပြန်လာရင် မင်းဖေဖေကို ခေါ်လာမှာပါ။
ငါ့ဖေဖေပြန်လာရင် မုန့်တွေ အများကြီးပါလာမှာ။
ငါ့ဖေဖေက ငါ့ကို သူ့တိုက်ပွဲအကြောင်းတွေ ပြောပြဦးမှာ။
ဒါပေမယ့် ငါ့ဖေဖေဘယ်တော့ ပြန်လာမလဲငါမသိဘူး။
ငါအိမ်ပြန်ဦးမှ။
တော်ကြာ ငါ့ဖေဖေပြန်လာလို့ ငါ့ကိုမတွေ့ရင် စိတ်ပူနေဦးမယ်။

new style magazine , March
နေပိုင်
၁၉ ဇန်နဝါရီ ၂ဝ၁၃
ဝဝးဝ၅ နာရီ

ခေတ် သူတောင်းစား

သူတောင်းစားဟာ သူ့သူတောင်းစားမိသားစု
အိမ်ပြန်အလာကို စောင့်နေတယ်။

စောင့်နေရင်း သူတောင်းစားဟာ ခါးကြားထဲက
ဂျာနယ်ကိုထုတ်ပြီး ဟိုဟိုဒီဒီဖတ်ကြည့်တယ်။

သူတောင်းစားဖတ်တဲ့ ဂျာနယ်ဟာ
စာရွက်နှစ်ရွက်သာ ပါတယ်။

တစ်ရွက်မှာ ငွေငါးထောင်တန်စင်မ်ကဒ်အတွက်
ပြည်သူတွေတောင်းဆိုကြတာကို ဖတ်မိတယ်။

တစ်ရွက်မှာ ဖုန်းတစ်လုံးကို
ခြောက်ဆယ့်နှစ်သိန်းနဲ့ ဝယ်သွားတာကိုဖတ်မိတယ်။

သူတောင်းစားဟာ နှစ်ခုလုံးဖတ်အပြီးမှာ
နားမလည်စွာခေါင်းခါတယ်။

အဲ့ဒီ့နောက် သူတောင်းစားဟာ
ဂျာနယ်နှစ်ရွက်ကို ဖြန့်ခင်းပြီး
သူ တောင်းလို့ရလာတဲ့ ထမင်းကျန်တွေ သွန်ထည့်လိုက်တယ်။

ဟော.. ပြောရင်းဆိုရင်း
သူတောင်းစားမိသားစုဟာ ပြန်လာကြပြီ။


နေပိုင်
၁၁.၁၂.၂ဝ၁၂

ခေတ်သူတောင်းစား - ၂

သူတောင်းစားဟာ မြန်မာစာကို
တစ်လုံးစနှစ်လုံးစ ဖတ်တတ်တယ်။


သူထမင်းကျန်ဟင်းကျန်တောင်းပြီး ပြန်အလာ
လမ်းထိပ်ကင်းတဲက ဂျာနယ်အဟောင်းကို
ထမင်းပန်းကန်လုပ်ဖို့ယူလာတယ်။


ညမှောင်နေတဲ့အချိန်ဆိုတော့
လမ်းမီးတိုင်ဘေးက တဲကလေးမှာ
သူ့မိသားစုတွေရောက်နေလောက်ပြီ။


ဒါပေမယ့် သူပြန်ရောက်တော့
သူ့မိသားစုတွေဘယ်သူမှရှိမနေတာကို တွေ့ရတယ်။


သူတောင်းစားဟာ ထမင်းထုပ်တွေဘေးချပြီး
သူယူလာတဲ့ ဂျာနယ်ကို ဖွင့်ဖတ်တယ်။


ဂျာနယ်ထဲမှာ
မြန်မာနိုင်ငံက ထိုင်းနိုင်ငံကိုလျှပ်စစ်မီးအကူအညီပေးမယ့်အကြောင်း
ခေါင်းစဉ်ကို ဖတ်လိုက်မိတယ်။


သူတောင်းစားဟာ အရမ်းကို စိတ်ဝင်စားသွားတယ်။


အဲ့ဒီသတင်းကို
သူတောင်းစားဟာထစ်ထစ်ငေါ့ငေါ့ ဆက်ဖတ်မလို့လုပ်တုန်းမှာပဲ
သူ့တဲကလေးရှေ့က လမ်းမီးဟာ ပြတ်တောက်သွားတယ်။


သူတောင်းစား ရင်ထဲ ဟာသွားတယ်။


ညကလည်းမှောင်နေပြီဆိုတော့
သူတောင်းစားဟာ ဘာမှမတတ်နိုင်တော့ဘူး။


ဒါနဲ့ပဲ ဂျာနယ်ကိုဖြန့်ခင်းပြီး
ရလာတဲ့ထမင်းကျန်ဟင်းကျန်တွေကို သွန်ထည့်လိုက်တယ်။


မီးပြန်လာမလား စောင့်နေချိန်မှာပဲ
သူတောင်းစားမိသားစုပြန်လာကြတယ်။



နေပိုင်
၀၃ မတ် ၂ဝ၁၃
၁၂း၀၄

သွားကိုက်ခြင်း

ဆရာ။
ကျွန်မရဲ့သွားကိုကြည့်ပေးပါဦးဆရာ။
ဟုတ်တယ်။ အရှေ့တောင်ထောင့်အရပ်မှာပေါက်နေတဲ့
သွား/ကျွန်မ အချိုတွေ စိတ်အလိုလိုက်စားမိတဲ့အချိန်က စတာပဲ။
ခု မချိမဆန့်နာနေပြီဆရာ။
မှတ်မှတ်ရရ အဲဒီ့သွား ပေါက်တဲ့နေ့က သောကြာနေ့ဆိုတော့ သူဟာသောကြာသမီးလေး။
မိန်းကလေးဆိုတော့လည်း နည်းနည်းနာရင်တောင် များများငိုမိတယ်။
ကျွန်မကို ကယ်ပါဦးဆရာရယ်။
အခုကျိုးပဲ့ကြွေကျသွားတဲ့နေရာမှာ ဟောင်းလောင်းပေါက်ဖြစ်နေပြီ။
တစ်ချို့ကတော့ ကြွေမှုန့်တွေအစားထိုးထည့်ဖာကြတယ်ဆရာ။
သုံး၊လေးနှစ်လောက်တော့ ခံတယ်ပြောတယ်။
ကျွန်မကတော့ အဲ့လိုအစားမထိုးပစ်ချင်ဘူး။
အချိန်တန်လို့ထပ်ကြွေသွားရင် ကျွန်မပဲ နာကျင်ရဦးမှာ။
ဒီအတိုင်းထားပြန်ရင်လည်း လွတ်နေတဲ့အခေါင်းပေါက်ထဲ အစာတွေလာလာညပ်ချင်ကြတယ်။
သူတို့ကလည်းသူတို့ပဲ။ အစာလမ်းကြောင်းကြီးရှိနေရဲ့နဲ့ ကိုယ့်လမ်းကိုယ်မသွားဘူး။
ဒီတော့ဆရာရယ် ဖြစ်နိုင်ရင်တစ်ခါထဲသာနှုတ်/ပစ်လိုက်ပါတော့။
တစ်ခုပဲ။ ကျွန်မက ထုံဆေးကိုမကြိုက်ဘူး။ ကျွန်မကိုမေ့ဆေးပဲထိုးပေးပါဆရာ။
ပျော်စရာလေးတွေချန်ပြီး နာကျင်စရာတွေကို မေ့သွားအောင် မေ့ဆေးပေးပါ။
ဟုတ်ကဲ့ အခုထိတော့မေ့လို့မရသေးဘူး။ ကျွန်မမေ့သွားတဲ့အခါ ညှပ်ကြားထဲက သွေးပေနေတဲ့သွားကို အရင်လွှင့်
ပစ်ပြီးမှ ကျွန်မကိုနှိုး။
သူ့ကိုမြင်ရင် ကျွန်မ ထပ်နာမိမှာစိုးတယ်။


နေပိုင်
၁၉ ဧပြီ ၂ဝ၁၂

ဟိုင်းဝေးကျခြင်း

ကိုယ့်ကိုကိုယ်ဖျားနာပြီးမှ
သူမ.. လေယာဉ်ပျံပေါ်တက်သွားတယ်။
အဝေးပြေးလမ်းမထဲ သူမနာမည်ကလေး ကျပျောက်မှုနဲ့ ကိုယ့်ကိုဖမ်းပါ။

ဘယ်လိုဝေဒနာမျိုးနဲ့ မှောင်မလဲ။
ကိုယ်တစ်ယောက်တည်း ဘယ်ဘက်လက်ဖျံလေးပေါ် လူးလွင့်ခွင့်
တဆတ်ဆတ်တုန်လာတိုင်း ဘယ်လိုမိုးတိမ်နဲ့မှ ကိုယ်မပျောက်တော့ဘူး။

အိမ်ဦးခန်းနဲ့နေရာချင်းလဲပါ နိုင်ငံခြား။
နိုင်ငံခြားလို့ပြောပြီး သူမနဲ့ကိုယ့်ကိုပါ ခြားပစ်တယ်။
ပြောလိုက်ခါမှ ပိုဝေးသွားသလို
ပြောလိုက်ခါမှ ပြန်မရနိုင်တော့သလို
ဒါမှမဟုတ် ပိုသေချာသွားသလို။
နာရီလက်တံအတိုင်းခရီးသွားလိုစိတ်နဲ့ ချစ်တယ်။

ဝေဒနာဟာ အစိမ်းလိုက်လင်းနေတယ် ပြဿဒါး။
လမ်းတွေရှိသမျှကိုယ် အနင်းခံနေရဦးမယ်။
ကမ္ဘာကြီးဆုတ်ယုတ်မှုထဲ
ကျောပြင်ကလေး ဆံနွယ်စကလေး ကတ္တီပါဖိနပ် အစိမ်းကလေး။
ဆံနွယ်တွေဝဲကျနေတဲ့ ကျောပြင်ကလေးကိုလည်း သေခြင်းတရားလို့ပဲ ထင်တယ်။

အဝေးပြေးလမ်းမထဲ သူမနာမည်ကလေး ကျပျောက်မှုနဲ့ ကိုယ့်ကိုဖမ်းပါ။
အဝေးပြေးလမ်းမထဲ သူမနာမည်ကလေး ကျပျောက်မှုနဲ့ ကိုယ့်ကို .. ဖမ်းစမ်းပါ။

ဝ၃ ဖေဖော်ဝါရီ ၂ဝ၁၃
ဝ၂းဝ၆
တနင်္ဂနွေနေ့

အကျယ်ထောင်

မြို့တော်ထဲက ကိုယ့်ခြေရာကလေး ဖွက်ပစ်လိုက်ကြပြီ။
ခြေထောက်ကသေပြီး လူက ရှင်ရတယ်။
ပျောက်ဆုံးသွားပြီဖြစ်သော ခြေရာကလေးကိုလွမ်းရ။
ကိုယ့်ကို အိမ်ပေါ်ကနှင်ချလိုက်တဲ့ ကမ္ဘာကြီးကို လွမ်းရ..နဲ့။
ကိုယ်ခြေသံတွေကြားရတယ်။ ခြေရာတွေ မတွေ့ရဘူး။
လူတစ်ယောက်စာ တံခါးတစ်ချပ်ဟာ
ကမ္ဘာကြီးနဲ့မိုင်ပေါင်းများစွာ ခြားပစ်လို့ရတာကိုပဲ အံ့သြရတယ်။
စိတ်ကို လွတ်လွတ်လပ်လပ်ဆန့်ထုတ်ပစ်ဖို့ လိုအပ်ခြင်းဟာ
အချိန်လား။ ငွေကြေးလား။ ချစ်ခြင်းမေတ္တာလား။ နှစ်ဦးသဘောတူ အ/စာ ချုပ်လား။ ဝေခွဲ။
စာချုပ်နဲ့ အချုပ်ဟာလည်း သွေးသားတစ်ခုခုတော်စပ်လိမ့်မယ်။
ပြတင်းပေါက်က အလင်းတချို့နဲ့တင် ကမ္ဘာကြီးမှောင်သွားပြီ။
စိတ်ကို ဘယ်နှလွန်းတင်တဲ့ကြိုးနဲ့ တုပ်နှောင်ချင်ပါသလဲ။
မြို့တော်ဟာ ကိုယ်နဲ့ခပ်ဝေးဝေးကို ရောက်သွားပြီ။
ကိုယ့်ကိုသူ လက်ယက်ခေါ်တယ်။ အသံတွေကြားနေရတယ်။ ကိုယ်မမြင်ရဘူး။
ခုနကလိုပဲ ခြေထောက်ကသေပြီး လူကရှင်ရတယ်။
မြို့တော်ထဲက ကိုယ့်ခြေရာကလေး ဖွက်ပစ်လိုက်ကြပြီ။

နေပိုင်
နိုဝင်ဘာ၊ ၂၉၊ ၂ဝ၁၂

ဖိုက်(5) ပြီးရင် စစ် (6) လာတယ်

ငါးတွေဟာ စစ်မတိုက်ကြဘူး။
ဟုတ်ရဲ့လားလို့ ကိုယ့်ကိုကိုယ် ပြန်ငါးမိတယ်။
ညီမလေးကျောင်းမုန့်ဖိုး ကျည်ဆံတစ်တောင့် နှစ်တောင့်
ညီလေး ကျောင်းမုန့်ဖိုး ကျည်ဆံတစ်တောင့် နှစ်တောင့်
ငါးအမေကြီး မသိအောင် ကိုယ် ခိုးငါးရတယ်။
ရန်သူမျိုးငါးပါးလို့ ကမ္ဘာကြီးက စသင်ပေးလိုက်တဲ့နေ့။
ငါးတွေ ဆန္ဒပြလို့။ ငါးတွေ ဆူပူလို့။
ရေမြှုပ်မိုင်းတွေပေါ်လာပြီးတဲ့နေ့ကစပြီး
ကိုယ်ငယ်ငယ်က ဘာလို့ မငါးခဲ့မိပါလိမ့်လို့ မတွေးခေါ်တော့ဘူး။
သေရမှာကို ငါးတယ်။ ဒါကြောင့်ပဲ ကျည်ကပ်ထဲ ရိုးသားမှုတွေ ထည့်ငါးလိုက်တယ်။
ရေလိုက် ငါးလိုက်။ အဖန်ငါးရာ ငါးကမ္ဘာ။
ငါးအရိုး။ ငါးအသား။ ဒါနဲ့ပဲ ငါးတွေဟာ ရိုးသားပါတယ်လို့ အလွယ်ငါးတယ်။
ဖိုက်ပြီးရင်စစ်လာတော့မယ်။ ဒါကြောင့် ငါးကိုချွေတာကြ။
ငါးကို ထိန်းထိန်းသိမ်းသိမ်း သုံးစွဲကြ။
ငါးမရှိတော့ရင် အကုန်လုံး ငါးကုန်လိမ့်မယ်။
ကျွန်တော် ပြောတာ ငါးလား။ ဒီလိုလုပ် ကျွန်တော် အစကနေပြန်ငါးမယ်။
ငါးတွေက စစ်မတိုက်ကြဘူး။

နေပိုင်
၁၂.၁၁.၂ဝ၁၂