အကျယ်ထောင်

မြို့တော်ထဲက ကိုယ့်ခြေရာကလေး ဖွက်ပစ်လိုက်ကြပြီ။
ခြေထောက်ကသေပြီး လူက ရှင်ရတယ်။
ပျောက်ဆုံးသွားပြီဖြစ်သော ခြေရာကလေးကိုလွမ်းရ။
ကိုယ့်ကို အိမ်ပေါ်ကနှင်ချလိုက်တဲ့ ကမ္ဘာကြီးကို လွမ်းရ..နဲ့။
ကိုယ်ခြေသံတွေကြားရတယ်။ ခြေရာတွေ မတွေ့ရဘူး။
လူတစ်ယောက်စာ တံခါးတစ်ချပ်ဟာ
ကမ္ဘာကြီးနဲ့မိုင်ပေါင်းများစွာ ခြားပစ်လို့ရတာကိုပဲ အံ့သြရတယ်။
စိတ်ကို လွတ်လွတ်လပ်လပ်ဆန့်ထုတ်ပစ်ဖို့ လိုအပ်ခြင်းဟာ
အချိန်လား။ ငွေကြေးလား။ ချစ်ခြင်းမေတ္တာလား။ နှစ်ဦးသဘောတူ အ/စာ ချုပ်လား။ ဝေခွဲ။
စာချုပ်နဲ့ အချုပ်ဟာလည်း သွေးသားတစ်ခုခုတော်စပ်လိမ့်မယ်။
ပြတင်းပေါက်က အလင်းတချို့နဲ့တင် ကမ္ဘာကြီးမှောင်သွားပြီ။
စိတ်ကို ဘယ်နှလွန်းတင်တဲ့ကြိုးနဲ့ တုပ်နှောင်ချင်ပါသလဲ။
မြို့တော်ဟာ ကိုယ်နဲ့ခပ်ဝေးဝေးကို ရောက်သွားပြီ။
ကိုယ့်ကိုသူ လက်ယက်ခေါ်တယ်။ အသံတွေကြားနေရတယ်။ ကိုယ်မမြင်ရဘူး။
ခုနကလိုပဲ ခြေထောက်ကသေပြီး လူကရှင်ရတယ်။
မြို့တော်ထဲက ကိုယ့်ခြေရာကလေး ဖွက်ပစ်လိုက်ကြပြီ။

နေပိုင်
နိုဝင်ဘာ၊ ၂၉၊ ၂ဝ၁၂

ဖိုက်(5) ပြီးရင် စစ် (6) လာတယ်

ငါးတွေဟာ စစ်မတိုက်ကြဘူး။
ဟုတ်ရဲ့လားလို့ ကိုယ့်ကိုကိုယ် ပြန်ငါးမိတယ်။
ညီမလေးကျောင်းမုန့်ဖိုး ကျည်ဆံတစ်တောင့် နှစ်တောင့်
ညီလေး ကျောင်းမုန့်ဖိုး ကျည်ဆံတစ်တောင့် နှစ်တောင့်
ငါးအမေကြီး မသိအောင် ကိုယ် ခိုးငါးရတယ်။
ရန်သူမျိုးငါးပါးလို့ ကမ္ဘာကြီးက စသင်ပေးလိုက်တဲ့နေ့။
ငါးတွေ ဆန္ဒပြလို့။ ငါးတွေ ဆူပူလို့။
ရေမြှုပ်မိုင်းတွေပေါ်လာပြီးတဲ့နေ့ကစပြီး
ကိုယ်ငယ်ငယ်က ဘာလို့ မငါးခဲ့မိပါလိမ့်လို့ မတွေးခေါ်တော့ဘူး။
သေရမှာကို ငါးတယ်။ ဒါကြောင့်ပဲ ကျည်ကပ်ထဲ ရိုးသားမှုတွေ ထည့်ငါးလိုက်တယ်။
ရေလိုက် ငါးလိုက်။ အဖန်ငါးရာ ငါးကမ္ဘာ။
ငါးအရိုး။ ငါးအသား။ ဒါနဲ့ပဲ ငါးတွေဟာ ရိုးသားပါတယ်လို့ အလွယ်ငါးတယ်။
ဖိုက်ပြီးရင်စစ်လာတော့မယ်။ ဒါကြောင့် ငါးကိုချွေတာကြ။
ငါးကို ထိန်းထိန်းသိမ်းသိမ်း သုံးစွဲကြ။
ငါးမရှိတော့ရင် အကုန်လုံး ငါးကုန်လိမ့်မယ်။
ကျွန်တော် ပြောတာ ငါးလား။ ဒီလိုလုပ် ကျွန်တော် အစကနေပြန်ငါးမယ်။
ငါးတွေက စစ်မတိုက်ကြဘူး။

နေပိုင်
၁၂.၁၁.၂ဝ၁၂

လွင့်

ကျောင်းစာအုပ်ကလေးထဲ
ကိုယ်.. သားလိုက်တဲ့မျဉ်းကလေး တွန့်သွားတာကအစ
သူမနှုတ်ခမ်းလေးလို့ပဲ ထင်တယ်။
ကိုယ်မိထားတဲ့ကျိမ်စာမှာ
ဘယ်လိုနိမိတ်နဲ့မှ တိမ်တွေမလှတော့ဘူး။

နေပိုင်

မြေအောက်ရထား

ရှေ့ရထားကို နောက်ရထားက ကျော်တက်လို့မရဘူး။
ဥသြသံမပါဘဲ ဘဝတစ်ခုလုံးကို ထိုးရပ်ပစ်လိုက်တယ်။
တံခါးနှစ်ချပ်ပွင့်သွားပြီး ဒုက္ခတွေ ထွက်ကျလာတယ်။
အဲ့ဒီနောက်တခါးနှစ်ချပ် ပြန်ပိတ်သွားတယ်။
ခြေရာဘယ်လောက်ကြီးကြီး ဒီဘူတာမှာကျန်ခဲ့တာပါပဲ။

နေပိုင်
၁၄.၁ဝ.၂ဝ၁၂

စိတ်လိုလက်ရ ရုန်းထွက်လိုက်တဲ့ နွေ

ဖဲချပ်ကလေးထဲက အနက်ရောင် သစ်ရွက်ကလေး လွင့်ထွက်သွားပိုင်ခွင့်။
ကိုယ့်ညနေထဲ ဘယ်လို ရာသီဥတုအသေနဲ့မှ ဝင်မနှောက်ယှက်နဲ့။
ထွက်သွား။ မင်းတို့အားလုံးထွက်သွားလို့ (အော်ဟစ်)။
ကိုယ့်မှာ သွေးကြောကလေး တဒိတ်ဒိတ်ခုန်ဖိုပကအစ အားနည်းနေတယ်။
သေချာပြီ။ မရှိတော့ရင်။ ဒါမှမဟုတ် မရှိတော့တာ။
အမှန်ဖြစ်နေတဲ့ အမှတ်အသားလေးကို အလည်ကနေ ဖြတ်ချ။ အမှား။
ဟော .. အံ့သြဖို့ မကောင်းဘူးလား။
ဒါမင်းထွက်သွားတုန်းက နွေရာသီ သဲသောင်ပြင်တစ်ခုလို။
ဒါမှမဟုတ် မင်းသိပ်ကြိုက်တဲ့ မျက်လှည့်ပြကွက်တစ်ခုလို။
ဟဲနီးပလပ်စ်လေး နှစ်ခု သုံးခုလို။ ကိုယ်မြင်နေတဲ့ရာသီတွေက အစ
အမှန်ခြစ်တွေကနေ အမှားခြစ် ပြောင်းသွားသလိုပဲ။
ရာသီဥတုပြောင်းလဲတာသိပ်မြန်တယ် ။ နွေလား။ မိုးလား။ ဆောင်းလား။
ရေးထားတဲ့ ကော်ရက်ရှင်အရာလေးကို ပေတံနဲ့ ခြစ်ထုတ်လိုက်သလို။
လူတွေသိပ်အတ္တကြီးတယ်။ ကိုယ့်ကိုကိုယ် အမှားကင်းတယ်လို့ ထင်လိုစိတ်ကလေးနဲ့။
ကိုယ့်ခံနိုင်ရည်နဲ့ ကိုယ်မို့ပဲ အသည်းကွဲသွားသလား။
အမှားခြစ်ကလေးအလည်က ကန့်လန့်ဖြတ်ကလေးကို ခုနကလိုပဲ ပေတံနဲ့ခြစ်ထုတ်ကြည့်။
ဒီဇင်ဘာတွေပဲတွေ့တယ်။

နေပိုင်
၁၂.၁ဝ.၂ဝ၁၂

အိမ်စာ

ကျောင်းမဆင်းချင်ဘူး။ နွေရာသီဆို အသက်တိုတတ်တယ်။
သူမကျောင်းမတက်တဲ့နေ့ဆို ကိုယ့်မှာလည်း ကြည့်စရာမျက်နှာမရှိတော့ဘူး။
ခံရခက်တယ်။ သူမနဲ့လဲရေးမယ့်ဘောပင်ကလေး သွေးရိုးသားရိုးလမ်းမှားပိုင်ခွင့်နဲ့။
ကော်ရစ်တာကြီးမြင်တိုင်း ကိုယ့်ခြေမအဟောင်းလေးကို ပြန်ပြန်သတိရတယ်။
ခေါင်းစည်းကြိုးအစိမ်းရောင်လေးကို ချဉ်ချင်းတက်မှုကကိုယ့်ကို ထမင်းမစားကွမ်းမစားလို့ မြင်တယ်။
ကျောင်းရှေ့ကသစ်ပင်တန်းကြီးမှာ ကိုယ်ဘယ်လိုလည်ပင်းမျိုးနဲ့မျှော်ရမလဲ။
ကျောင်းစာအုပ် နောက်ကျောက အပိုင်းအစ စာတိုများ။
ဒီလက်မောင်းကို ဘယ်အချိန်ခပ်ပြင်းပြင်းလာရိုက်မလဲလို့ပဲ စောင့်.. စောင့်နေရ/မိတယ်။
လွမ်းရလွန်းလို့ အမာရွတ်တွေလည်းများနေပြီ။
ကိုယ်မုန့်ဈေးတန်းမသွားဘူး။ လက်တွေ့ခန်းရှေ့မသွားဘူး။
ဘယ်လိုလက်ရေးမျိုးနဲ့ရေးမှ သူမအကြောင်းကိုရှောင်လို့ရမလဲ။ ကိုယ်မသိဘူး။
သူမပါးကွက်ကလေး ကျောင်းမတက်ရင်တော့ ကိုယ်လည်းစာမေးပွဲကျနိုင်တယ်။

နေပိုင်
၁၇.၀၉.၂၀၁၂
ဝ၁း၁၄

အစိမ်းရောင် မှတ်တိုင်

စစ်ပွဲတွေနဲ့ ကမ္ဘာကို ကယ်တင်လို့မရဘူး။
အမှန်တကယ် ငြိမ်းချမ်းပြီလို့ ထင်နေတာကလည်း အပိုပဲ။
ဒီလိုနဲ့.. ကလေးဘယ်နှယောက်ကို အဖမဲ့ ဖြစ်စေခဲ့ပြီးပြီလဲ။

စစ်ပွဲတွေဟာ တရားမနာဘူး။
ဒီတော့ကိုယ့်လိုပဲ လူရိုင်းကလေးဖြစ်ရတယ်။
အသက်ကိုအိမ်မှာထားခွင့်မရှိတာလည်း ဒီစစ်ပဲ။

ငါတို့အိပ်မက်ကလေးတွေ မိုင်းနဲ့ပါသွားပြီ။ မျက်ရည်များ။
စစ်ပွဲဆိုတာ မျက်ရည်နဲ့သွေး ဓာတ်ပြုထားသလိုမျိုး။
ငိုသံတွေနဲ့ပဲ ပန်းတွေပွင့်ရတယ်။
အချစ်မှာမျက်စိမရှိသလို စစ်မှာလည်း မျက်စိမရှိဘူး မေမေ။
ဒီည.. ကျွန်တော့်ခြေထောက်အပြတ်ကလေး အိမ်ပြန်ရောက်ပါ့မလား။

ဖိနပ်ချွတ်ပြီးမှမြေပုံပေါ်တက်လည်း အိမ်နဲ့ဝေးတုန်းပဲ။
အိမ်ရောက်ဖို့ဆိုတာလည်း လမ်းအဝေးကြီးလျှောက်ရဦးမယ်။
ဘယ်သူသိမလဲ။
ကျွန်တော်တို့ပုခုံးပေါ်က မှတ်တိုင်လေး အိပ်ရေးပျက်နေတယ်ဆိုတာ။

နေပိုင်
၁၉း၄၅
၁၁.ဝ၉.၂ဝ၁၂

အောက်ပါတို့ကို ကြီးစဉ်ငယ်လိုက် စီစဉ်ပါ။

ငွေကြေး။ ဂုဏ်သိက္ခာ။ စံပယ်ပန်း။ ဂျပန်ဖိနပ်။ ဝီစကီ။
ဘုရားသခင်။ ပြည်သူ။ အကြွေ ၂ဝ။ အိမ်နံပါတ် (၇)။ ပြည်လမ်း။
အချစ်။ R.T.H ။ မိုးရာသီ။ ကိုရီးယားဇာတ်လမ်းတွဲ။ သူတောင်းစား။ စီးပွားရေး။
မော်တော်ပီကယ်။ ညနေ(၆)နာရီ။ လေယာဉ်လက်မှတ်။ တက္ကသိုလ်။ ကဗျာဆရာ။
နတ်ပြည် (၆)ထပ်။ ဘောပင်။ ဘတ်စ်ကား။ မိန်းမပျက်။ ဟာသ။
အစိမ်းသေ။ မီးရထား။ ဆံပင်ရှည်။ ကိုကာကိုလာ။ အမှိုက်မပစ်ရ။ ကုတင်။
မေ့ဆေး။ ပြဿဒါး။ သမ္မတ။ မိုင်းဆဲဗင်း။ www.facebook.com ။
အခွန်လွတ်ဈေး။ နေပိုင်။ မြန်မာစာ။ ဦးဝိစာရအဝိုင်း။ ပုရွက်ဆိတ်။ ၅ပေ၉လက်မ။
ရုပ်ရှင်ရုံ။ ပမွှား။ ခံနိုင်ရည်။ နိုက်ကလပ်။ သဘာဝဘေးအန္တရာယ်။ အိမ်ဖော်။
သံယောဇဉ်။ အပါယ်လေးပါး။ ပင်လယ်။ သုတေသန။ အယ်ဒီတာ။
ငါ။ မှတ်ပုံတင်။ အများပြည်သူသုံးတယ်လီဖုန်း။ မန်ချက်စတာယူနိုက်တက်။ သည်းခံခြင်း။
ကျွန်မရှင့်ကိုချစ်တယ်။ ကွန်ဒုံး။ လမ်းလျှောက်ခြင်း။ သကြားလုံး။ စက်ရေတွင်း။
နိုင်ငံခြား။ လူ။ ကားအဝင်အထွက်ရှိသည်။ အင်းလျားကန်။ နာရေး။


နေပိုင်
၀၅.၀၉.၂၀၁၂
၁၆း၃၅

အိမ်ယာမဲ့ (၂)

ရန်ကုန်ကို တံခါးခေါက်လည်း အထဲမှာ ရန်ကုန်မရှိဘူး။
ရန်ကုန်ဟာ သူ့ခြေမနဲ့သူ အိမ်ပေါ်ကဆင်းသွားတယ်။
ခုည ကျွန်တော်တို့ဘယ်လိုအိပ်ကြမလဲ။
၂ဝဝ တန် ပိုက်ဆံအကြွေလေးပေါ်က ခြင်္သေ့ရုပ်မှာ အိမ်ရှိလား။
ရွာလာတဲ့မိုးမှာကော အိမ်ရှိလား။
ကိုယ့်ခြေထောက်ကို သွေးရိုးသားရိုး အိမ်နံပါတ် တပ်တယ်။
အဖြူတလှည့် အနီတလှည့် ပလက်ဖောင်းများ။
ဘယ်တလှည့် ညာတလှည့် ခြေလှမ်းများ။
မျက်လုံး၂ဖက်ပိတ်ဖို့ ငွေကြေးဘယ်လောက်လိုမလဲ။
နောက်တစ်ခါ ၂ဝဝ တန်အဟောင်းလေးကို ထပ်ကြည့်တိုင်း
ဖိနပ်သဲကြိုးလေးက ကိုယ့်ကိုအားနာတယ်။
ကိုယ်အခု မြို့နာ ပြနာ ကျနေတယ်။
ပလက်ဖောင်းနံပါတ်ဟာ ၄၃ဟာ ကိုယ့်ခြေထောက်နဲ့ မတော်လို့။

နေပိုင်
၀၉.၀၈.၂၀၁၂
၀၃း၀၉

အိမ်ယာမဲ့

ငွေကြေးတွေသေပြီ။
ကိုယ် ဆိုးမိုက်လို့ မဖြစ်တော့ဘူး။
ပလက်ဖောင်းကပါ အိမ်ပေါ်ကနှင်ချရင် ခက်မယ်။

နေပိုင်
၀၃.၀၈.၂၀၁၂
ဝဝး၄၅

အလင်းဆိုင်ထဲ ကျန်ခဲ့တယ် ဇူလိုင်

ညဟာ ပြည်တည်နေသလား။
မီးချောင်းထဲမှာ ကူးစက်ရောဂါပိုးတွေရှိနေတယ် (၂၄)နာရီ။
ခွဲစိတ်ဓားကို မေ့ဆေးပေးပြီးမှ ကလေးယူပါ။

ဘုရားတ တိုင်းလည်း ဘုရားသခင်က
နှုတ်ဖျားကိုရောက်လာမှာမှမဟုတ်ဘဲ။
ကြောက်တတ်လွန်းလို့ ထမင်းရည်ပူစည်းကို အမြဲဦးသုံးကြိမ်ချတယ်။
ရှုံးနေပြီးသားကို ပန်းပေးလိုက်ခြင်းကလည်း ဇူလိုင်ပဲ။

အလင်းရောင်ငှားခ တစ်ရက်ဘယ်လောက်ကျလဲ။

ဓားနဲ့မထိုးရက်လို့တဲ့ ငွေထုပ်နဲ့ပေါက်တယ်။
အဲဒီ့နေ့က ဟီရိုရှီးမားမှာ ဗုံးကွဲတယ်။
ကိုယ်စောင့်နတ်က ကိုယ့်ကို လူပျောက်ကြော်ငြာထည့်တယ်။

နင်ငါ့ကိုမေ့လိုက်ပါဆိုပြီး
အရက်သမားဘယ်နှစ်ယောက် မွေးခဲ့ပြီးပြီလဲ။
ကိုယ့်ခြေမနဲ့ကိုယ် အိမ်ပေါ်က ခဏခဏဆင်းတယ်။

မသိစိတ်ကလည်း ခက်တယ်။
ခေါင်းအုံးထဲ နင့်နှုတ်ခမ်းရှိတယ်လို့ပဲ ထင်.. ထင်နေတယ်။


နေပိုင်
၀၁း၄၀
၃၀.၀၇.၂၀၁၂

အများပြည်သူသုံး တယ်လီဖုန်း

သူမရှိဘူး။
ဘယ်သွားလဲ ပြောမသွားဘူး။
စကားနှစ်ခွန်းနဲ့ တစ်မိနစ်ဟာ အဆိပ် ကျတယ်။
ဒီလိုနဲ့ဆက်သွယ်ရေးလိုင်းတွေ ပြတ်တောက်မသွားဖို့
အမှောင်ကိုရှင်အောင် ပြဿနာကို မီးထွန်းပြီးရှာတယ်။
ကိုယ်မနေနိုင်ဘူး။ ပြောင်းလဲသမျှအထင်ကရတွေ
ခုဆို..
ရန်ကုန်ဟာ သူ့နည်းသူ့ဟန်နဲ့ စကတ်ပိုတိုလာတယ်။
ပြောပြီးစလစ်နံပါတ်(၁)။ ပြည်ပထွက်ခွါ။
ရေမရှိခြင်း။ ဓာတ်လှေကားဆိုင်ရာ ဖျားနာမှု။
ကြားလား.. ကျားလား။
နိုင်ငံခြားသား ဖြစ်ချင်တာနဲ့ နိုင်ငံခြားသွားကြ။
နိုင်ငံခြားကို ဘာမှတ်နေလဲ။
နိုင်ငံခြားက ခွေးတွေသိပ်ကြီးတယ်။

အချိန်တော်တော်ကုန်သွားပြီ။
နောက်လူတွေလည်းစောင့်နေပြီ။
ခင်ဗျားပြောနေတာ တစ်ယာဖိုးမကတော့ဘူး။
ဟုတ်ကဲ့။ သူဘယ်အချိန်လောက်ပြန်ရောက်မလဲ။
ကျွန်တော်ဆံပင်ရှည်လာတဲ့နေ့ဆို
သူလည်း ဆက်သွယ်မှုဧရိယာပြင်ပနဲ့ နီးလာတယ်။
မှန်မကြည့်ဘဲ
အရက်မသောက်ဘဲ
စကားစမြည်မပြောဘဲ
ဂျင်းဘောင်းဘီ မဝတ်ဘဲ .. ရှင်တယ်။

ဖြစ်ချင်တော့ ရန်ကုန်ဟာ ရန်ကုန်မှာမရှိဘူး။
ရန်ကုန်ဟာ နယ်ဝေး..
ပယ်ပယ်နယ်နယ်ကို ဝေးတယ်။

တကယ်မေ့ပြီး
ဒါမှမဟုတ် မေ့ချင်ယောင်ဆောင်ပြီး
ပြက္ခဒိန်အနွမ်းလေးတွေကို သိမ်းထားတယ်။
ရန်ကုန်ဟာ အရင်လိုမဟုတ်ဘူး
ရန်ကုန်ဟာ ပျောက်လွယ်ရှလွယ် လာတယ်။ ကိုယ့်ကို။
မမြင်ခင်ကပဲ တံတွေးကို ထွီခနဲထွေးလို့
ရော့ခ်သီချင်းတစ်ပုဒ်ကို ကွမ်းယာလုပ်ဝါးလို့
မိုးလင်းဆိုင်တွေကို ယားနာလုပ်ပေါက်လို့
အသည်းယောင်ရောဂါဟာ မိုးသည်းတိုင်း သည်း..
တီ.. တီ.. တီ..
လူကြီးမင်း။

နေပိုင်
၁၈.၀၇.၂၀၁၂
၀၁း၁၈

ကိုယ်နဲ့မလိုက်တဲ့ အသေ

စိတ်က မနက်ခင်းတစ်ခုလို့ ကိုယ့်ဆီမှာ ခဏခဏ မိုးလင်းတယ်။
ကဗျာဟာ ကဗျာဖြစ်လို့မရဘူး ဂျူလီယာ။
ကိုယ့်တိုက်တာတွေကို ဘာလို့ ဆေးသုတ်နေကြသလဲ။
မနက်ဖြန်အကြောင်း ဝါးရံတာထိုးပြီး ကိုယ်ရပ်ကြည့်တယ်။
အရိပ်နဲ့ နေရောင်ခြည်ရဲ့ ဖြတ်သန်းသွားလာမှုများ။
အိပ်မက်ကို ဈေးကြီးပေးဝယ်ဖို့ သူမဟာ ညဥ့်ငှက်လေးတစ်ကောင်ဖြစ်သွားခဲ့/ရတယ်။
လက်သည်းနီတွေမခြောက်ခင်အထိ နှုတ်ခမ်းဟာ ခပ်ကွေးကွေး။ ခပ်သေးသေး။
စကားလုံးအကြီးကြီးနဲ့ မလိုက်အောင် သေးငယ်နေကြ။

ကိုယ်ဟာအရွယ်ရောက်ပြီးပြီ ဂျူလီယာ။
လမ်းကြုံတဲ့အခါ ယုံကြည်မှုကို တစ်ခါတည်း အခွန်ဆောင်ခဲ့ပါ။
ကိုယ့်ကိုကိုယ် မြစ်တစ်ခုလို့ သံသယမဝင်ခင်အထိ။
တံတွေးခွက်မဟုတ်လည်း မျောတယ်။

ဒုတိယပိုင်းရောက်ပြီ ဂျူလီယာ။
ရေအကျိုးဆယ်ပါးနဲ့ လူစားချင်းလဲပါ။
ပြီးမှ မိုးခိုးခေါင်းတိုင်လို့ ကိုယ့်ကို နာမည်မှတ်ပါ။

နေပိုင်
၀၄း၄၅
၁၇.၀၇.၂၀၁၂

လေး @ ရင်ဘတ် . လေး

ပြတင်းပေါက်မှန်တွေက ကိုယ့်စိတ်ကို ထောင့်မှန်ကျနေတယ်။
လေး ကိုမမြင်ရတဲ့နေ့မှာ ကိုယ်လည်း လေးနေတယ်။
ကိုယ်ဆေးမသောက်ဘူး 'လေး' ။ နံရံကပ်ပန်းချီတွေကလည်း လေး အကြောင်းပဲပြောတယ်။
ကိုယ်လက်ကောက်ဝတ်မှာ လေး အိပ်ဖို့ နာရီတစ်လုံးရှိတယ်။ လေး။
လေးနဲ့ပတ်သက်ရင် ကိုယ့်စိတ်ထဲမှာ လေးနေတယ်။
ကြိုးတိုတိုနဲ့ လှန်ထားလည်း ကိုယ် လေးနေမှာပါပဲ။ လေး။
ဘယ်လိုယုံကြည်မှုမျိုးက ကိုယ့်ကို အနာဖြစ်စေဦးမလဲ။
လေး။ ကိုယ်ဒဏ်ရာမရခင် ကမ္ဘာကြီးကို တစ်ခေါက်လောက်ဖူးချင်သေးတယ်။
လေးရဲ့ပါးပြင်ပေါ်က သနပ်ခါးတစ်ခုစာလောက်ပဲ ကိုယ်ကို ချစ်ပါ။ လေး။
ကမ္ဘာကြီးပူနွေးလာတဲ့နေ့က ကိုယ်လည်း လေး.. လာတယ်။
ပြောရရင် ကဗျာဆရာဆိုတာ လေးလွယ်ပါတယ်။ လေး။
ဒါကြောင့် ကိုယ်လည်း မြေအောက်ရထားအဖြစ် ပြန်ဝင်စားထားတယ်။

မီးရောင်တွေနဲ့ကိုယ် ဆိုက်အဖက်(side effect) ဖြစ်နေတယ်။
အရေပြားကိုရေမွှေးဆွတ်ထားလည်း လေးနေတာပါပဲ။
လေးမရှိတဲ့နေ့ဆို ကိုယ်ဆံပင်တွေသိပ်ရှည်တယ်။
လေး.. ရာပါရောဂါလို့ပဲပြောရမလား။ လေး။

ကိုယ်ခုတလော သိပ်ယားယံလွယ်နေတယ်။
အချစ်ဆိုတာလည်း မူရင်းကောင်းမှ မိတ္တူ စွဲ တာမျိုးပါ။ လေး။

ညဟာ နှစ်ကိုယ်ခွဲထားရင်တောင် လေး..ပါတယ်။ လေး။
အတတ်နိုင်ဆုံးတော့ ကိုယ့်ကိုမချစ်ဘူးလို့ လိမ်ပြောပါ။

နေပိုင်
၁၅.၀၇.၂၀၁၂
၀၄း၀၀

ကျွန်တော်တို့ပုခုံးပေါ်ကအိမ်(၂)

စစ် ဆိုတာဘာလဲသူငယ်ချင်း လို့
လက်တစ်ဆစ်စာ ကျည်ဖူးလေးက
ပုခုံးပုတ်ပြီးမေးလာတယ်...
ဒီအဖြေကိုသိနိုင်တဲ့လူဆိုလို့ နှစ်ယောက်ပဲရှိတယ်
ဟုတ်တယ်.. မင်းရယ်.. ငါရယ်။

တစ်သွေး တစ်သံ တစ်မိန့်လို
ငါ့မှာလည်း အသက်ကတစ်ချောင်းထဲ သူငယ်ချင်း
မင်းသေရမှာမကြောက်ဘူးလားလို့ မင်းမေးတုန်းက
ငါရယ်နေတယ်
မင်းသေရမှာမကြောက်ဘူးလားလို့ ငါမေးရင်လည်း
မင်းရယ်နေပါ...
ကမ္ဘာပေါ်မှာစစ်ကိုလိုလားတဲ့ စစ်သားဆိုတာမရှိဘူးဆိုရင်
အပြင်လူတွေယုံချင်မှယုံမယ်
အပြင်လူတွေဆိုတော့ အထဲမှာဘယ်သူတွေရှိလဲလို့ မင်းမေးချင်လာမယ်
အဲဒါ မင်းရယ်.. ငါရယ်။

မင်းသိထားတဲ့ဘဝနဲ့ ငါသိထားတဲ့ဘဝဆိုတာ
ထမင်းသိုးဟင်းသိုးကနေ မိုးခါးရေအထိ
သဲဝဲစားရောဂါကနေ ခြေပြတ်လက်ပြတ်အထိ
အောက်ဆီဂျင်ကနေ မိုင်းကွင်းအထိ
ဒီလိုပဲ..
ငါတို့ဘဝဆိုတာ ကိုယ့်ကိုကိုယ်ပြန်လှူထားရတဲ့ မိုးပျံပူဖောင်းလေးတွေလည်းဖြစ်တယ်
(ငါတို့ဆိုပေမဲ့လည်း အများကြီးမဟုတ်ပါဘူး)
ဘယ်သူတွေလဲဆိုတော့..
မင်းရယ်.. ငါရယ်။

ပလက်ဖောင်းပေါ်က ဂစ်တာသံတွေ
စတိတ်ခ်ျရှိုးလက်မှတ်တွေထက်
တရွှတ်ရွှတ်ဖြတ်ပြေးနေတဲ့ကျည်ဆံတွေ
တအုံးအုံးထကွဲနေတဲ့ မိုင်းတွေကို
ငါတို့ခေါင်းအုံးလုပ်အိပ်ကြတယ်
ဒီလိုပြောလို့ ရယ်ချင်ရယ်နေကြလိမ့်မယ်
ရယ်မယ့်လူဆိုလို့လည်း များများစားစားမရှိလှဘူး
အဲဒါ မင်းရယ်.. ငါရယ်။

ငါတို့ဆီမှာ
ဒုက္ခိတတွေ ရှိတယ်
မသန်မစွမ်းတွေရှိတယ်
ခြေပြတ်လက်ပြတ်တွေရှိတယ်
အားငယ်တတ်တဲ့ ဘယ်ဘက်အိပ်ကပ်ကလေးတွေရှိတယ်
သပြေခက်ရှိတယ်

ငါတို့ဆီမှာ
ရေခြားမြေခြားရှိတယ်
ရဲရဲတက် ရဲရဲတိုက် ရဲရဲချေမှုန်း ရှိတယ်
ဝင်သက်ထွက်သက်ကလေးရှိတယ်
ဒုက္ခရှိတယ်
တမလွန်ရှိတယ်

ငါတို့ဆီမှာ
မိုင်ရှည်ခရီးရှိတယ်
ငိုသံတွေရှိတယ်
အိပ်မပျော်တဲ့ညတွေရှိတယ်
သေသွားတဲ့ရဲဘော်တွေရှိတယ်
သေသွားတဲ့ရဲဘော်တွေကို အလေးပြုနေတဲ့လက်တွေရှိတယ်
အလေးပြုနေတဲ့လက်တွေဆိုလို့ ဘယ်သူတွေများလဲလို့ မင်းသိချင်လာမယ်
အဲဒါ မင်းရယ်.. ငါရယ်။

သေခြင်းတရားက
trailer ပြလေ့မရှိဘူး
သေခြင်းတရားဆိုတာ
မင်းနဲ့ငါတစ်ယောက်တစ်ဝက်သောက်ခဲ့တဲ့
စီးကရက်တစ်လိပ်စာလောက်ပဲ သူငယ်ချင်း
စစ်သားဆိုတာ သေခြင်းတရားနဲ့ပတ်သက်ပြီးလည်း
လူပြောများတတ်သေးတယ်
ပြောမယ့်လူဆိုလို့လည်း နှစ်ယောက်ပဲရှိတယ်
အဲဒါ.. မင်းရယ်.. ငါရယ်။


နေပိုင်
၁၂.၀၃.၂၀၁၂
(တပ်မတော်နေ့အထိမ်းအမှတ်)
(P.S ကဗျာဆရာ ကိုကြည်သက်ဟန်၏ ကဗျာဟန်အား ပြန်လည်ခံစားထားပါသည်)

ကွင်းစကွင်းပိတ်ထဲကနေ့

ပကာသနဆိုလို့ များများစားစားမရှိလှဘူး
အမက်မောဆုံးကတော့
အိပ်မက်ထဲတဆတ်ဆတ်တုန်နေတဲ့ သစ်ရွက်လေးပါပဲ။

စိတ်ထဲချိန်ကိုက်နေတဲ့ ဗာဂျင်းလေးရှိတယ်
လက်ဖြန့်ထားတဲ့ညရေးညတာတွေနဲ့ ညနေလေးနာရီကိုတော့
ကိုယ်ကွင်းခတ်ပစ်လိုက်တယ်
ပုခုံးပေါ်ကို ဆံစတွေဖြတ်သန်းသွားလာပြီးတဲ့နောက်
ကိုယ်ဟာ ခေါင်းအုံးလေးဖြစ်သွားဖူးတယ်။

တကယ်တော့အိပ်မက်ဆိုတာ
ပေါက်ရပြောတတ်တဲ့ ကလေးဆိုးလေးပါပဲ။

မုန့်လင်မယားတွေခေါပစ်ခံလိုက်ရတဲ့ တစ္ဆေဟာ ကိုယ်ပဲလား။
ကိုယ်ဟာ ချောင်ပိတ်ခံထားရရင်တောင် ကုလားသေကုလားမောအိပ်နေတတ်တဲ့
ခွေးလေခွေးလွင့်တစ်ကောင်ပါ။

လက်ဖမိုးပေါ်က အဖြူရောင်ဖောင်းကြွရုပ်လေးဟာ
နံရံပေါ်ကစစ်ပွဲအတွက် အထိန်းအမှတ်
ပဲ့တင်သံကတော့ လှမ်းခေါ်နေတဲ့ကြားက
ထွက်ခွါသွားပြန်ပြီလေ။

နေပိုင်
၂၂.၀၂.၂၀၁၂

Effect တစ်ခုနှင့် ဂန္တဝင်ဆန်ဆန် သေဆုံးခြင်း ကိုယ်တို့

ကောင်းကင်ကို မော့ကြည့်လည်း ဂျူနိုကိုပဲမြင်ရတယ်။
အချိန်ကာလဟာ တစ်နည်းအားဖြင့် shock တစ်ခုဖြစ်သွား
လမ်းလွဲစ digital ရာသီဟာ သိပ်မဝေးပါလားလို့
ခံနိုင်ရည်မဲ့စွာ အသွင်ပြောင်းလဲပစ်တော့မယ့် တေးသွား
"ကိုယ်ဟာ လူယုတ်မာ ဖြစ်ကောင်းဖြစ်မယ်။
ကိုယ်ဟာ ကိုယ့်ဘက်ကိုယ်ယက်တတ်တဲ့ လူယုတ်မာ ဖြစ်ကောင်းဖြစ်မယ်"
အချစ်ဟာ အမျိုးသားရေးမဟုတ်တဲ့အတွက်
ဂျူနိုဟာလည်း ကိုယ်.. ကိုယ်ကျိုးစွန့်ခံမယ့် လက်ကောက်ဝတ်မဟုတ်ဘူး
"ရှင်ဟာလေ ကျွန်မကိုပဲ လိုက်စနေတော့တာပဲ" လို့/သူမ
ကိုယ်ဒဏ်ရာမရခင်က တုန့်ပြန်မှုတစ်ခုကို လိုအပ်ကြည့်ရ
ကောင်းမှန်းမသိဘူး။ ချစ်ရင်ချစ်တယ်လို့ ပြော/ပြီးမှ
ရလက်စ/ပြုစုလက်စ အစအနကို သေသေချာချာ သွေးထွက်ကြည့်
ပြက္ခဒိန်ဟာ ပြဿဒါးသေလို့ဝင်စားလည်း ကိုယ်
သရေအရှုံးပေးပြီးလောင်းမှာပဲ။ ကိုယ်တို့ယုံကြည်မှုဟာ
ကိုယ်တို့လက်ကောက်ဝတ်ထဲမှာပဲရှိတယ်။ အောက်မြောက်ထောင့်အရပ်၌ရှိသော
တွားသွားမှုတစ်ခုနဲ့ လိုက်လျောညီထွေဖြစ်ဖို့
ချွတ်ယွင်းနေခဲ့သလား။

လင်းယုန်ငှက်ကို မိတ်ကပ်သုတ်ပေးစရာအကြောင်း
မရှိဘူး(။)ကိုယ်တို့ နှစ်ယောက်ကလွဲရင်
ယုံကြည်မှုကို သူများအား ပေးမဖတ်ဘူး။
"ဟုတ်တယ်မလား" လို့ နယ်ရုပ်လေးက ကံကြမ္မာကို ခြေတစ်လှမ်းနဲ့
အစား/ခံ ပြတယ်။

ကိုယ်မကြိုက်တဲ့နယ်မြေတွေလည်း တိတ်ဆိတ်
စစ်ပွဲဟာ ကိုယ်တို့သွေးလန့်ဖို့
ဘယ်လည်ချောင်းထဲမှာမှ အသံကောင်းဟစ်မှာမဟုတ်ဘူး။
ထားတော့။ ကိုယ့်ကိုပဲ မင်းချစ်ရမှာ/သင့်တာ
အဆိပ်နဲ့လက်ကောက်ဝတ်ဟာ/မှာ
ပြောင်းပြန်သက်သက် စီးဆင်းတယ်။

နေပိုင်
၁၅.၀၆.၂၀၁၂

တမ်းတတ

"ရှင့်မျက်လုံးထဲမှာ ကျွန်မကို ထည့်ထားရဲ့လား"
ရှင်က အချစ်ကို ဆေးလိပ်သောက်ခါနီးမှ အသုံးပြုတယ်။
အချစ်ဆိုတာ ရှင်ထင်သလို ကုတင်ပေါ်က ရူးသွပ်မှု
မှမဟုတ်ဘဲ။ ကျွန်မက ပြတ်သားတယ်။ ချစ်တယ်
လို့ပြောတိုင်း အဖြေမတောင်းဘူး။ ပြက္ခဒိန်အစုတ်တွေကို
အတူတူရှိခဲ့တဲ့နွေရာသီတွေထဲ လွှင့်ပစ်လိုက်တော့
ရှင်နဲ့ကျွန်မ အနည်းဆုံးတော့ အနတ္တတွေ ခြားသွားပြီ။
ရှင်က ကမ္ဘာမီးလောင်ရင် ကျွန်မကို ချနင်းဖို့ အချစ်ကို သဲကြိုးလှလှတပ်စီးတယ်။
ကျွန်မ မကြိုက်တာ အဲဒါပဲ။ ရှင်ပြောတဲ့မျှော်လင့်ချက် ခြေကားယားလက်ကားယား
ရှင်သိတဲ့ ဓာတ်တိုင်တချို့လည်း မီးမလင်းတတ်ကြတော့ဘူး။

ရှင်ကမနက်ဖြန်။
ချစ်တယ်ဆိုတဲ့စကားတစ်ခွန်းနဲ့
နေဝင်ချိန်ဆို သူတောင်းစားအဖြစ်ခံတယ်။
ကျွန်မပြောချင်တာ အဲဒါပဲ။ ကမ္ဘာကြီးအသည်းအသန်ဖြစ်တဲ့နေ့က
ရှင်အိမ်မှာမရှိဘူး။ ရှင်မသိလိုက်ဘူး။
တကယ်တော့ ရှင်က အချိန်မစေ့သေးတဲ့ အသုဘတစ်ခု
မတည့်တာတွေ အလွန်အကျွံစားတယ်။
ပြီးမှ ကျွန်မကိုသတိမရဘဲ ချစ်တယ်လို့ပြောတယ်။
ကျွန်မ အမှားအတွက်...
သေချင်းကောင်းနဲ့ သေပါစေလို့ သံယောဇဉ်ရှိထားတယ်။

နေပိုင်
၁၁.၀၆.၂၀၁၂
၂၃း၃၄

ခြင်ကိုက်လို့

သူ.. ကျွန်မနားမှာ လာပြီး ရစ်သီရစ်သီလုပ်နေတယ်။
ဘယ်လိုမှ ပြောလို့ဆိုလို့ကို မရဘူး။
နည်းနည်းလောက်မှ ဒေါသထွက်ကြောင်းမပြရင် ပွတ်သီးပွတ်သပ်
လုပ်တဲ့အထိ ရောင့်တက်လာရော။ နည်းနည်းလောက်မှောင်လာပြီဆို သူ့
နှာခေါင်းကြီး ကားကားကားကားနဲ့ ရောက်ရောက်လာတယ်။ အဲဒီနှာခေါင်းက
သိပ်စိတ်ပျက်စရာကောင်းတာပါပဲရှင်။ ရောက်လာတဲ့အခါတိုင်းလည်း အပေါင်းနဲ့
အသင်းနဲ့။ ဂစ်တာမပါပေမဲ့ သူ့အသံသေးအသံကြောင်နဲ့ အနှောက်အယှက်
ပေးတော့ အိပ်ရေးပျက်ပေါင်းလည်း များလှပါပြီ။ ကျွန်မအထင်ပြောရရင်
သူ့အဖေနဲ့ အမေက သူ့ကိုမဆုံးမဘူးထင်ပါရဲ့။ (ဒါမှမဟုတ် ဆုံးမလို့မရတာလည်း ဖြစ်နိုင်တယ်)
နောက်ပြီး ကျွန်မကို နှောက်ယှက်သလိုမျိုး တခြားသူတွေကော သူ
နှောက်ယှက်နေကျပဲလား။ ဒီတစ်ခါများ သူပွတ်သီးပွတ်သပ် လာ
လုပ်ရင် အသရေဖျက်မှု၊ ပိုင်နက်ကျူးလွန်မှုနဲ့ တရားစွဲ
ပစ်မိတော့မှာ။ ဒီလောက်ခြိမ်းခြောက်လည်း ထူးမယ်မထင်ပါဘူးလေ။ သူက
သတ္တိပဲကောင်းလွန်းတာလား၊ သိပဲမသိတာလား။ ကျွန်မ
လက်ခုပ်တစ်ချက်တီးလိုက်တာနဲ့ သူဘဝပျက်သွားနိုင်တယ်။ သွားကြပါ
ရှင်။ ရှင်တို့ကို ကျွန်မ မနှောက်ယှက်သလို ကျွန်မကိုလည်း ရှင်တို့ မနှောက်ယှက်ကြပါနဲ့။ ဒီလိုမှမဟုတ်ရင်
ရှင်တို့ကို သတ်ရင်သတ် မသတ်ရင် ကျွန်မခြင်ထောင်ထဲ ဝင်လိုက်တော့မယ်။


နေပိုင်
၁၈း၂၈
၂၈.၀၅.၂၀၁၂

ချစ်သူနဲ့ကန်တဲ့ဘောလုံးပွဲ

ဘောလုံးပွဲမှာ ဂျူနိုပါလာရင်
ကိုယ်ဟာ စပေးဘောလုံးမဟုတ်တော့ဘူး။

ဒုတိယပိုင်းမှာ ကိုယ်.. လူစားလဲခံရပါ့မလားလို့ လေဖြတ်နေပြီ။

ကိုယ့်မှာ ..
သူမထုတ်ပြမယ့် ပြက္ခဒိန်တွေကိုကြောက်ရ
သူမ ကန်သွင်းလိုက်မယ့် ပြဿဒါးတွေကိုကြောက်ရနဲ့
သူမ.. ဟာ ကိုယ့်ကိုဂိုးပေါက်ကြီးလို့ထင်နေတယ်။

ကိုယ်ဘယ်လိုအချိန်မျိုးထိ ဖျားနာပေးရဦးမလဲ
လွမ်းတယ်ဆိုတာ ဟန်ဆောင်လှဲချတာလို့သူမ ထင်နေမလား
နာကျင်ချိန် ဆိုတာ ဧပရယ်အတွက် များလွန်းတယ်။

ကိုယ့်ဆီက ဘောလုံးပါသွားတာမဟုတ်ဘူး
ကိုယ့်ဆီ ဘောလုံးကိုရောက်မလာသေးတာ။

ပထမပိုင်းပြီးတဲ့အထိ သူမ.. အသည်းကွဲနေဦးမလား
ဒါမှန်းသိရင် ကိုယ်အဲဒီ့ဘက်ကိုလှဲချခဲ့မိမှာ။

အရှိန်ပြင်းပြင်းနဲ့ ပြေးလာသူတွေ
တစ်ယောက်ပြီးတစ်ယောက် ကိုယ်မြင်နေရတယ်။
သူတို့ကကိုယ့်ကိုမမြင်ဘူး။ ဘောလုံးကိုမြင်တယ်။
ဘောလုံးက သူတို့ကိုမမြင်ဘူး။ ဂိုးပေါက်ကြီးပဲမြင်တယ်။

ခုမှဒုတိယပိုင်းအစပဲရှိသေးတာ
"ကျွန်မ ကို့ ကို သိပ်ချစ်တယ်".. လို့
သူမ ပါးစပ်ပုပ်ကြီးနဲ့ လျှောက်ပြောနေတယ်။


နေပိုင်

ငါမသိချင်ယောင်ဆောင်ထားတယ်ဂျူနို

ပြောင်းပြန်အချိုးကျနေတဲ့ညီမျှခြင်းလေးကို
သွားမနှိုးလိုက်နဲ့ဂျူနို
မနက်ခင်းလေးရောက်မလာခဲ့ရင်တောင်
အိပ်ပျော်နေတဲ့သူ့ကို ပွေ့ထားရင်း
ဆံပင်လေးကို ပွတ်သပ်နှစ်သိမ့်ရင်း
ဒီလိုပဲ ငါအနာရင်းခဲ့တာ။

ဟုတ်တယ် ဂျူနို
အဲဒါတနင်္ဂနွေနေ့လားလို့ ဘာအကြောင်းနဲ့မှ
သံသယဝင်စရာမလိုဘူး ဂျူနို
ဂျူနိုဟာ ငါမဖြစ်နိုင်သလို
စွန်..လွှတ်တဲ့သူက ကောင်းကင်ကစွန်လေးပျော်နေတာကို ငေးနေရသလို
ငါဟာလည်း ဂျူနိုမဖြစ်နိုင်တော့သလို
ငါသိတယ်ဂျူနို
ဆံပင်တွေကိုညှပ် စိတ်တွေမပါစေနဲ့ပေါ့ ဂျူနို။

ဒီအမည်နာမလေးကို
ငါအပိုင်ရချင်တယ်ဂျူနို
ကဗျာဆရာက ကဗျာကို
စာအုပ်ထဲမှာပဲပိုင်သလို
ငါပိုင်ချင်တယ်ဂျူနို...
ပြောရင်းဆိုရင်း နင်ဆံပင်တွေတောင်ရှည်လာပြီနော်
နောက်ဆုံးဓာတ်ပုံထဲမှာတော့နည်းနည်းပိန်သွားသလိုပဲဂျူနို
ဒါနဲ့
နင့်မျှော်လင့်ချက်တွေကို ငါရဲရဲတင်းတင်းပဲဆုပ်ကိုင်လိုက်တယ်
ဂျူနို...
အမှတ်တရဆိုတာ ဒဏ်ရာရဲ့နာမည်ပြောင်လား
ငါထင်တော့ထင်ပါတယ်...
ကဗျာလေးက ကဗျာဆရာကိုမချစ်ဘူးလို့
ငါထင်ပါတယ်
အသည်းကွဲတယ်ဆိုတာ ဝဋ်နာကံနာလို့
ငါထင်ပါတယ်
နင်မချစ်နိုင်တော့မယ်သူဟာလည်း
ငါထင်ပါတယ်ဂျူနို။

ပုံပြင်တွေကို ရေစင်အောင်ဆေးပါဂျူနို
လမ်းခွဲရောက်တိုင်း ဘုရားစာရွတ်စေချင်တယ်
နင်ကြိုက်တဲ့ ကော်ဖီခါးခါးတွေကပဲ ငါ့ကိုခါးသွားစေတာမျိုးလားဂျူနို
မဟုတ်ဘူး မဟုတ်ဘူး
ငါဘယ်လိုမှလက်ခံလို့မရနိုင်ဘူး ဂျူနို
ဂျူနို တစ်ခုခုတော့ပြန်ပြောပါဦးဂျူနို
မဟုတ်ဘူးလို့ ပြန်ပြောပါဦး
ငါပြောရင်နင်မယုံပေမဲ့
နင်ပြောရင် ငါယုံမှာပါဂျူနို။

အချစ်ဆိုတာ မကြေငြာပဲတိုက်တဲ့စစ်ပွဲပဲ ဂျူနို
မျှော်လင့်ချက်ကတော့ ခြေတစ်ဖက်လက်တစ်ဖက် ပြတ်သွားခဲ့ပြီ
နင်သိလားဂျူနို
ဟိုနားမှာထိုင်နေတဲ့ ဒဏ်ရာက
နင်မရှိတဲ့ ကွန်ပြူတာရှေ့ကငါ့လောက် ရုပ်မဆိုးဘူးဂျူနို
အက်အိတွဲကျနေတဲ့ တံခါးခေါက်သံတွေအစား
ပင်လယ်တွေဆီ လှိုင်းလုံးတွေနဲ့ပဲ လိုက်သွားရတော့မှာလား ဂျူနို
ငါဟာ ငါမဟုတ်တော့တဲ့အခါ ဂျူနိုလို့ခေါ်ပါဂျူနို
ငါသေသွားတဲ့အခါ
နှင်းဆီပွင့်လေးကို အသည်းကွဲရောင်သုတ်ပြီး
ငါ့အုတ်ဂူမှာ ထိုးထားပေးပါဂျူနို
ငါ့ကို မမှတ်မိရင်တောင် နှင်းဆီလေးကိုတော့ မှတ်မိပါ ဂျူနို။

ဖေဖော်ဝါရီကိုစိတ်မပူပါနဲ့ဂျူနို
(ငါ့ကိစ္စထား)
ငါတော့လိုက်မပို့တော့ဘူးဂျူနို
နင်သာ ဒီဇင်ဘာကိုရောက်အောင်သွား
လက်ပြဖို့သာမမေ့နဲ့ဂျူနို။

သက်တန့်တွေနဲ့ပတ်သက်လို့ နင်ဘယ်လိုသဘောရလဲ ဂျူနို
အဲဒါငါငယ်ငယ်က ဓာတ်ပုံတွေပဲဂျူနို
တဖြည်းဖြည်း
ရေတွေကြီးလိုက် ။ အသက်တွေကြီးလိုက်။
မိုးတွေခေါင်လိုက်။ အတွေးတွေခေါင်လိုက်။
မီးတောင်တွေပေါက်လိုက်။ စိတ်တွေအချဉ်ပေါက်လိုက်။
တကယ်တော့..
ကမ္ဘာကြီးပူနွေးလာတာ ငါ့ကြောင့်မဟုတ်ဘူး ဂျူနို။


နေပိုင်
၀၄.၀၂.၂၀၁၂

အိပ်မက်ကလေးပဲ ဖြစ်မယ် မောင်

တမလွန်ဆိုတာ မိုးရွာလေ့ရှိသလား မောင်။
အချိန်တိုတိုလေးမှာပဲ မောင့်ရဲ့ဝင်သက်ထွက်သက်ကလေးလည်း တိုသွားတယ်။
ဘယ်လိုဘုရားသခင်ရဲ့လက်မျိုးနဲ့မှ စစ်ပွဲတွေကို သတ်လို့ရမလဲ။

အိပ်မက်ကလေးလည်း ဖြစ်မယ်မောင်။
အိပ်မက်ဆိုတာလည်း အိမ်ထဲမှာပဲရှိလိမ့်မယ်။
မောင်မမြင်ဖူးတဲ့သားလေးက မောင့်ကိုလည်းမြင်ဖူးမှာမဟုတ်ဘူး။
ဒါမင်းဖေဖေလို့ ဓာတ်ပုံကလေးပြမိတဲ့အခါ
ကလေးပြန်ပြောမယ့်စကားတွေက ကျွန်မအတွက် အလျော်အစားလည်းကြီးမယ် မောင်။

ရန်ကုန်မှာမိုးရွာတဲ့နေ့က မောင်ကျွန်မဆီ ပြန်လာတယ်။
လက်နှစ်ဖက်ပါမလာဘူး။
မောင်ကျွန်မဆီ ပြန်လာတယ်။
ခြေထောက်နှစ်ဖက်ပါမလာဘူး။
မောင်ကျွန်မဆီပြန်လာတယ်။
ခန္ဓာကိုယ်တစ်ခုလုံးပါမလာဘူး။
မောင်ကျွန်မဆီပြန်လာတယ်။
ဝင်သက်ထွက်သက်ကလေး ပါမလာဘူး။
ဒါပေမဲ့ မောင်ကျွန်မဆီပြန်လာခဲ့တယ် မောင်။

ကျွန်မက စစ်ပွဲတွေကိုမုန်းပြီး စစ်သားတွေကို ချစ်တယ် မောင်။
စစ်ပွဲတွေက စစ်သားတွေကို သတ်တယ်။
ပြီးတော့ မောင့်ကို သတ်တယ်။
မမျှော်လင့်တဲ့ကံကြမ္မာက ကျွန်မမျှော်လင့်ချက်ကလေးကို ဝင်တိုက်သွားတယ်။
မောင်ပြန်လာခဲ့သလိုပဲ ကျွန်မဆီ မောင်ပြန်လာတယ်။
အိပ်မက်ကလေးပဲဖြစ်မယ် မောင်။

နေပိုင်

ကျောင်းမဖွင့်မီ

ကျောင်းတံခါးများ ဖွင့်ထားခြင်းသည်

ကျောင်းတံခါးများ ဖွင့်ထားခြင်းသည် အကျဉ်းထောင်တံခါးများ ပိတ်ထားခြင်းပင်ဖြစ်သည်ဟူသော အနောက်တိုင်းစကားပုံတစ်ခုသည် ဤဇာတ်လမ်းနှင့် မသက်ဆိုင်ပါကြောင်း။ ---နေပိုင်---

**********

ဇနီးဖြစ်သူ ဆုံးပါးသွားခြင်းက ကိုကြင်ဆောင်အတွက် အကြီးမားဆုံး ထိုးနှက်ချက်ပင်ဖြစ်ခဲ့သည်။ လူလားပင် မမြောက်သေးသော သားလေးအတွက်သာ သူအလုပ်ထဲတွင် စိတ်ကို နှစ်ထားခဲ့သည်။ မိတဆိုးသားလေးဖြစ်သော်လည်း သားလေးအား တင့်တင့်တယ်တယ်ထားနိုင်ရင် ပိုက်ဆံသာ အသည်းအသန်ရှာရင်း အချိန်တွေ ကုန်ခဲ့သည်။ ဇနီး ဆုံးပါးသွားသည့်ကိစ္စက ထင်သလောက်မေ့ဖျောက်ရန် မလွယ်လှ။ သားလေးနှင့်သူ တရင်းတနှီးနေမိတိုင်း သူ့ဇနီးကို သူသတိရတတ်သည်။
​
ကိုကြင်ဆောင်က စီးပွါးအရှာကောင်းသည်။ အသောက်အစားကင်းသည်။ လိမ္မာပါးနပ်သည်။ ကုန်သွယ် ပွဲစားအလုပ်ကို တွင်တွင်ကျယ်ကျယ်လုပ်ကိုင်သည်။ သူစီးပွါးအရှာကောင်းသောကြောင့်ပင် မိသားစုကို လိုလေသေးမရှိထားနိုင်သည်။ ပြည့်ပြည့်စုံစုံထားနိုင်သည်။ ကိုယ်တိုင်ကလည်း ဆွေးမျိုးရင်းချာအလွန်နည်းပါး ဇနီးဖြစ်သူကလည်း မိဘနှစ်ပါးအပြင် တခြားမရှိ။ ထို့ကြောင့်ပင် ဇနီးဖြစ်သူ၏ မိဘနှစ်ပါးကို သူတို့နှင့်အတူ ခေါ်ထားသည်။ အိမ်တွင် အခန့်သားနေစေ၍ စီးပွါးကို သူတစ်ယောက်တည်းရှာသည်။ မိန်းမဖြစ်သူက ကိုကြင်ဆောင်လောက် မလည်ဝယ်သော်လည်း အိမ်မှုကိစ္စ အဝဝနှင့် သားလေး၏ ဝေယျာဝစ္စများ မိဘနှစ်ပါး၏ ဝေယျာဝစ္စများလောက်တော့ သူမ လုပ်နေကျ အလုပ်ပင်ဖြစ်သည်။​
​
မမျှော်လင့်ပါဘဲ ဇနီးဖြစ်သူ ဆုံးပါးသွားသည့်အချိန်မှစ၍ ကိုကြင်ဆောင်တစ်ယောက် အလုပ်ထဲတွင်သာ စိတ်ကိုနှစ်ထားလိုက်သည်။ ယခင်က ကိုယ်စားလှယ်ဖြင့်လွှဲထားသော ကိစ္စများကို ယခုအခါ သူကိုယ်တိုင် နယ်တကာလှည့်၍ လုပ်ကိုင်သည်။ စီးပွါးကိုပိုရှာသည်။ တခါတရံ မိသားစုဝင်တစ်ယောက် လျော့သွားသောအိမ်အတွက် စီးပွါးပိုရှာနေမိသည်ကိုပင် သူရယ်မောမိ၏။ သို့သော် စိတ်ထဲတွင်မပျော်။ ဇနီးဖြစ်သူအား မေ့မေ့ပျောက်ပျောက်မဖြစ်။ စိတ်ပိုင်းဖြတ်မရသည့်အဆုံး သူတို့နေထိုင်ရာ မြို့ငယ်လေးအား စွန့်ခွါကာ ရန်ကုန်သို့ ပြောင်းရွှေ့နေထိုင်ရန် ဆုံးဖြတ်လိုက်၏။
​
ရန်ကုန်တွင် အစစအရာရာ စရိတ်စက ကြီးသည်။ အဆက်အသွယ်နှင့် အိမ်ဝယ်ရသည်။ ရန်ကုန်အိမ်ဖြစ်သောကြောင့် တိုက်ခန်းဖြစ်သည်။ စမ်းချောင်းထဲတွင်ဖြစ်သည်။ အချက်အချာကျသော နေရာဖြစ်သော်လည်း လှည်းတန်းလိုမျိုး ဆူဆူညံညံမရှိလှ။ ဆိတ်ငြိမ်ရပ်ကွက်မျိုးဖြစ်သည်။ ​​
​
အိမ်ဝယ်ပြီးသော်လည်း အသင့်ပြောင်းနေရန်မဖြစ်သေး။ အိမ်ကို ပြင်ဆင်ရသေးသည်။ ကြမ်းခင်းခင်းရသည်။ လက်သမားများနှင့် စကားပြောရသည်။ နံရံကို ပတ်တီးကိုင်ကာ ဆေးသုတ်ရသည်။ အခန်းဖွဲ့ရသည်။ တစ်ယောက်တည်းအလုပ်ရှတ်နေရသည်။ မိန်းမကို ထပ်ပင်သတိရမိနေသေး၏။ ဇနီးဖြစ်သူသာ အနားမှာရှိလျှင် တိုင်တိုင်ပင်ပင်နှင့် ပျော်စရာကောင်းမည်မဟုတ်လား။ ခုတော့ တစ်ယောက်တည်းသာ အလုပ်ရှုတ်နေရ၏။ ဆယ့်ငါးရက် ရက်နှစ်ဆယ်အတွင်း အသင့်ဖြစ်သွား၏။ သူတို့မိသားစုလိုက် ပြောင်းလာကြကာ အခြေချ နေထိုင်ကြ၏။

**********

ဒန်ပေါက်ထဲသို့ ငံပြာရည်ကြော်ထည့်၏။ ဇွန်းနှင့်အလှခပ်ကာ ပါးစပ်ထဲသို့ထည့်၏။ ထို့နောက် ချဉ်ပေါင်ဟင်းချိုအား မွှေခပ်၏။ ငရုပ်သီးအစိမ်းတောင့်ကလေးပါလာသောကြောင့် ပန်းကန်ထဲပြန်ထည့်၏။ ထို့နောက် ငရုပ်သီးမပါအောင် ပြန်ခပ်၏။ နှုတ်ခမ်းနားတေ့ကာ အသာမှုတ်သောက်၏။

“ချဉ်ပေါင်ဟင်းချိုတော်တော်ကောင်တာပဲဗျ ။ ဘယ်ဆိုင်က မှာတာလဲ”

“ဒန်ပေါက်ပဲမှာတာ ချဉ်ပေါင်ဟင်းချိုက မေမေချက်တာလေ။ အအီပြေလေးပေါ့”

“ဟုတ်တယ်။ ဒန်ပေါက်ချည်းသက်သက်ဆို အီနေမှာ။ ချဉ်ပေါင်ဟင်းချိုဆိုပေမယ့် ကျွန်မက အစပ်ကလေးပါထည့်ချက်တာ။”

“ကြီးကြီး အဲ့ဒါဘယ်လိုချက်လဲ ဟင်းချိုက သာမန် အချိုမှုန့်ထည့်လို့ ချိုပုံနဲ့မတူဘူး”

မေမေ ပြုံး၏။ ရန်ကုန်ရောက်ပြီးပြီးချင်း ပထမဆုံးအလှူအဖြစ် အိမ်တက်ပွဲတွင် မေမေ၏ ချဉ်ပေါင်ဟင်းချိုအား လူတိုင်းက ချီးမွမ်းခန်းဖွင့်ကြ၏။ မေမေရော ကိုကြင်ဆောင်ပါ ပျော်ရသည်။

“ဒီလိုကွယ့် ကြီးကြီးက အချိုမှုန့်သိပ်မသုံးဘူး။ လွယ်လွယ်လေးပါ။ အိုးထဲကို ရေထည့်။ ချဉ်ပေါင်ရွက်ခြွေထည့်။ ပုစွန်ခြောက်ထည့်။ အကောင်ဖြစ်ဖြစ် အမှုန့်ဖြစ်ဖြစ်ပေါ့နော်။ ပြီးရင် အချိုမှုန့်နည်းနည်းလေးထည့် ဆားထည့်။ ပြီးရင် ငရုပ်သီးအစိမ်းတောင့်ကလေး ဗိုက်ခွဲပြီးထည့်။ ဆူရင်ရပြီ”

နားထောင်နေသူကောင်မလေးက သြော်ဟု ခပ်တိုးတိုးရေရွတ်သည်။

“ဖွားဖွားက ကြေးအိုးချက်တာလည်းကောင်းတယ်”

“ဟုတ်လားသားသားရဲ့”

ကိုကြင်ဆောင်၏ သားက ခေါင်းညိတ်ပြ၏။ နားထောင်နေသူအမျိုးသမီးက မေး၏။

“ကြေးအိုးကကော ဘယ်လိုချက်တာလဲ ကြီးကြီး”

“ကြေးအိုးကလည်းမခက်ပါဘူးကွယ်။ ကြေးအိုးလို့သာပြောတာပါ။ ဝက်အရိုးတွေပြုတ်။ ပြုတ်ထားတဲ့အရည်ထဲ ဆားထည့်အချိုမှုန့်ထည့်။ ပြုတ်ထားတုန်းမှာ ဝက်သားကို ဆားအချိုမှုန့်နယ်ပြီးလုံးထား။ နနွင်းမှုန့်တော့ထည့်မလုံးရဘူး။ ဂျုံမှုန့်လေးတော့ နည်းနည်းထည့်ရတယ်။ ဒါမှအသားတွေ ဖွါမထွက်ကုန်မှာလေ။ ပြီးရင် ခုနက ဝက်ရိုးပြုတ်ထားတဲ့ထဲကို ထည့်။ ဆားအချိုမှုန့်အပေါ့အငန်ထည့်။ ဆူလာပြီဆိုရင် ထိုင်ဝမ်မုန့်ညှင်းအုပ်လိုက်။ အဲ ကြာဇံကိုတော့ အစထဲက ရေစိမ်ထားပေါ့။ စားခါနီးထည့်စားရုံပဲ”

နားထောင်နေသူအပေါင်းက အင်မတန်မှ သဘောကျကြ၏။ ဧည့်သည်တော့ များများစားစားမရှိလှ။ သူတို့နေထိုင်ရာ တိုက်ခန်းမှ အခန်းစေ့နှင့် ရန်ကုန်မှ ကိုကြင်ဆောင်၏ မိတ်ဆွေတချို့သာ လာရောက်ချီးမြှင့်ကြ၏။

“သားလေးက ဘယ်နှတန်းရောက်ပြီလဲ”

“သုံးတန်းပါခင်ဗျ”

သားငယ်က မိခင်၏ အုပ်ထိန်းမှုအောက်တွင် ရှိခဲ့သည်မို့ အပြောအဆို အင်မတန် လိမ္မာရေးခြားရှိသည်။ လက်သုံးချောင်းထောင်က ရိုရိုသေသေပင် ပြန်ဖြေ၏။

“ကိုကြင်ဆောင်တို့ ကလေး ကျောင်းနေဖို့ဘာညာကော စုံစမ်းပြီးပြီလားဗျ”

ကိုကြင်ဆောင် သတိရသွားဟန်နှင့်

“ဟုတ်ပါ့ဗျာ မေ့နေတာ ကျောင်းအပ်ဖို့ဘာညာက ဘာမှ မလုပ်ရသေးဘူး။ ကျွန်တော်ကလည်း ဒီရက်ထဲ ခရီးထွက်ဖို့ရှိသေးတယ်.. ပြန်လာမှပဲ”

မျက်နှာချင်းဆိုင်တွင်ထိုင်နေသော အမျိုးသမီးက လက်ကောက်တွေပြည့်နေအောင် ဝတ်ထားသော လက်ကိုခါရင်း သူမဘေးတွင်ထိုင်နေသော ကလေးကို ခေါင်းလေးပွတ်ကာပြော၏။

“ကျွန်မကတော့ သမီးလေးကို TTC မှာထားတယ်လေ။ အဲ့ဒီ့ကျောင်းက ရန်ကုန်မှာတော့နာမည်ကြီးပဲ။ နောက်ပြီး ဒဂုံတစ်တို့ဘာတို့လည်း မဆိုးပါဘူး တော့ပ်တန်းစာရင်းဝင်တယ်”

ကိုကြင်ဆောင် ပါးစပ်အဟောင်းသားနှင့်သာ နားထောင်နေရ၏။ ဟုတ်လည်းဟုတ်ပေသည်။ ယခင်က ကလေးကျောင်းအပ်သည့်ကိစ္စဘာညာဆိုတာ သူမလုပ်ခဲ့ဖူး။ ဇနီးဖြစ်သူသာ ဒိုင်ခံဖြေရှင်းခဲ့သောကိစ္စမျိုး ဖြစ်သည်။ ယခုတော့ သူ့အပေါ်ပင် ပုံကျလာပြီ။ နွေကျောင်းပိတ်ရက်ကလည်း ကုန်တော့မည်။ ဟုတ်သည်။ သားလေးကိုကျောင်းအပ်ရဦးမည်။

**********

“ဟဲလို .. မေမေလား”

“သြော် အေး ဟုတ်တယ် သား ။ မင်းအလုပ်တွေ အဆင်ပြေရဲ့လား”

တကယ်တော့ ကိုယ်ကြင်ဆောင် အလုပ်အဆင်မပြေ။ ကိုယ်စားလှယ်လွှဲထားသူနှင့် သူ့ကြားမှာ ပြဿနာရှိနေသည်။ ကုန်ပစ္စည်းဝယ်မည့် ဝယ်လက်တွေက ကိုယ်စားလှယ်၏ ဖျံကျမှုကြောင့် ရှောင်နေကြသည်။ ထို့ကြောင့်ပင် သူရန်ကုန်မှခရီးဝေးထွက်လာခဲ့ရသည်မဟုတ်ပါလား။ သူမေမေ့ကို ညာပြောရတော့မည်။ အမှန်အတိုင်းပြောမိလျှင်ကော မေမေစိတ်မကောင်းဖြစ်ရသည်မှလွဲ၍ ဘာများပိုထူးခြားလာမည်လဲ။

“အဆင်ပြေပါတယ်မေမေ။ ဒါပေမယ့် တလက်စာတည်း အလုပ်ကလေးတွေဖြတ်လိုက်ချင်လို့ သားဒီမှာ တစ်ပတ်လောက်ကြာဦးမယ်”

“ဟယ်.. သားရေ။ ငါ့မြေးလေးကို ကျောင်းအပ်ရဦးမယ်လေ။”

ကိုကြင်ဆောင် ချွေးပျံသွား၏။ ဟုတ်သည်။ အလှူလုပ်သည့်နေ့က သူသတိရသည်။ နောက်တော့ အမှုမဲ့အမှတ်မဲ့နှင့် မေ့သွားခဲ့သည်။ ယခင်ကတည်းက သူလုပ်နေကျအလုပ်မဟုတ်သောကြောင့်လည်းဖြစ်မည်။

“ကျွန်တော်ပြန်လာဖို့မဖြစ်နိုင်သေးဘူး မေမေ။ မေမေပဲသွားအပ်လိုက်ပါလား”

“အေးအေး ငါလည်း လိုက်တော့မေးထားတာပဲ ဘာတဲ့ အီးပီစီဆိုလား”

“ဗျာ ဘာလဲမေမေ အီးပီစီဆိုတာ..”

“ဟိုလေ.. အလှူလုပ်တဲ့နေ့က မြေညီထပ်က ကောင်မလေးတက်နေတယ်ဆိုတဲ့ကျောင်းလေ”

“အာ.. TTC ပါအမေရဲ့”
“သြော်အေး ဟုတ်သား နောက်ပြီးရှိပါသေးတယ်။ တံခွန် တစ် ဆိုလား”

“ဒဂုံတစ်ပါမေမေရာ.. ဒဂုံမြို့နယ် အမှတ်တစ် အခြေခံပညာ အထက်တန်းကျောင်း ကိုပြောတာ”

မိခင်ဖြစ်သူက တဟားဟားနှင့်ရယ်မောနေ၏။

“စိတ်ချပါသားရယ် နောက်ဆံမတင်းနဲ့။ အလုပ်အဆင်ပြေအောင်သာလုပ် ။ ကလေးကို မေမေပဲကျောင်းသွားအပ်လိုက်မယ်”

“ဟုတ်ကဲ့မေမေ”

ဖုန်းချသွားသော်လည်း မောဟိုက်ကျန်ခဲ့သလို ခံစားရ၏။ အလုပ်အဆင်မပြေပါ။ သို့သော် အဆင်ပြေပါတယ်လို့ မေမေ့အား လိမ်ပြောလိုက်ရသည်။ ရည်ရွယ်ချက်ပါပါ လိမ်ပြောလိုက်ရသည်။ သို့သော် ထိုသို့လိမ်ပြောခြင်းသည် မိခင်အားစိတ်ချမ်းသာစေသည်။ ထိုကဲ့သို့သောလိမ်လည်မှုမျိုးသည် ငရဲကြီးသလား မကြီးဘူးလားဟု ကိုကြင်ဆောင် ဆက်တွေးနေမိ၏။

**********

ခန်းနားထည်ဝါသော ကျောင်းဆောင်အောက်ထဲသို့ ဒေါ်ခင်ကြည် ဝင်လိုက်သည်။ ဆရာမများ ကျောင်းလာအပ်သူမိဘများ ကလေးငယ်များနှင့် ဆူညံနေကြ၏။ ကလေးအားလက်ဆွဲရင်း ကျောင်းအပ်ရမည့် အတန်းပိုင်ဆရာမအား လိုက်ရှာ၏။ အနည်းငယ်ကသီလင်တ နိုင်လှသော်လည်း သိပ်မကြာမီမှာပင် ရှာတွေ့၏။

“ဆရာမလေး အဖွားမြေးလေးကို ကျောင်းအပ်ချင်လို့ပါ”

ဆရာမလေးဆိုသူက မော့ကြည့်၏။

“ဘယ်နှတန်းလဲ”

“သုံးတန်းပါဆရာမ”

ဆရာမလေးကခေါင်းညိတ်ပြ၏။

“ကျောင်းသားသစ်လား။ ဟိုဘက်ကျောင်းက အောင်မြင်ကြောင်းထောက်ခံစာနဲ့ ကျောင်းထွက်လက်မှတ် ပါလာလား”

ဒေါ်ခင်ကြည်က အသင့်ဆောင်ထားသော စာရွက်များအား ထုတ်ပေး၏။ ဆရာမလေးဆိုသူက ဖတ်ကြည့်၏။ ထို့နောက် စာရင်းစာရွက်တချို့ပြန်ပေး၏။

“ဒီဖောင်ကို ဖြည့်လိုက်ပါ။ နောက်ပြီးဒါက ကျောင်းအပ်ရင်ကုန်ကျမယ့်စားရိတ်။”

ဒေါ်ခင်ကြည် ဖတ်ကြည့်လိုက်၏။ ငါးထောင့် ခြောက်ရာ့ ခုနစ်ဆယ် ကျပ်။ ဒေါ်ခင်ကြည် ဖောင်ဖြည့်ရန် လှည့်ထွက်မည်အပြု။

“အလှူငွေဘယ်လောက်ထည့်မှာလဲမသိဘူး”

ဆရာမလေးက လေသံမှန်မှန်နှင့် မေး၏။ သြော် အင်းဟုတ်သားပဲဟု ဒေါ်ခင်ကြည် ရေရွတ်၏။ ထို့နောက် တစ်သောင်းတန်သုံးရွက်အား စားပွဲပေါ်တွင်ချပေး၏။

“ရှင်လာနောက်နေတာလား”

ဒေါ်ခင်ကြည်ကြောင်တောင်တောင်ဖြစ်သွား၏။

“ကျွန်မ ဘာနောက်လို့လဲ ဆရာမလေးရယ်။”

“ဒီကျောင်းမှာလာအပ်တဲ့ကျောင်းသားမှန်သမျှဟာ အလှူငွေ အနည်းလေး ဆယ်သိန်းနဲ့အထက် ထည့်သွားကြတာချည်းပဲ။ ပိုက်ဆံလေးသုံးသောင်းနဲ့တော့ ကျွန်မ ဖောင်မပေးနိုင်ဘူး”

“စာသင်မယ့်ဆရာမတွေက နိုင်ငံခြားဆိုတဲ့နေရာတွေကလာတာမို့လို့များလားကွယ်”

“မဟုတ်ပါဘူး ကျွန်မတို့ပဲသင်မှာပါ”

ပြောရင်း ဒေါ်ခင်ကြည်၏လက်မှ ဖောင်အား ပြန်ယူ၏။ ဒေါ်ခင်ကြည်ဘာပြောရမှန်းမသိတော့။

“ဖွားဖွား ဘာဖြစ်လို့လဲ”

“အလှူငွေနည်းလို့တဲ့သားရယ်”

ကလေးဖြစ်သူက ဆရာမအား လှမ်းပြော၏။

“ဆရာမ သားဖိုးလေးနဲ့ ဘုရားအလှူခံဆိုတာလိုက်သွားဖူးတယ်။ ထန်းလျက်ခဲလည်း စားရတယ်။ ရေနွေးလည်းသောက်ရတယ်။ အလှူလှူတဲ့လူတွေက ပိုက်ဆံအကြွေဆိုမှလှူကြတာ။ သားဖွားဖွားက သုံးသောင်းတောင် လှူထားတာကို များတောင် များနေသေးတာမဟုတ်ဘူးလား”

ဆရာမလေးမှာ ကြောင်အမ်းအမ်းဖြစ်သွား၏။ သို့သော် ကလေးကို တုန့်ပြန်မနေတော့။

“အဖွားရယ် ဒါက ကျွန်မတို့ကျောင်းရဲ့အစဉ်အလာပါ။ စိတ်မရှိပါနဲ့ရှင်”

“ကြားမကြားဖူးပေါင်တော် .. အလှူကို ကန့်သတ်ပြီးလှူခိုင်းတာ ဒီတစ်ခါပဲ တွေ့ဖူးသေးတယ်။ လာမြေးလေး ဒဂုံတစ် ဆိုတဲ့ကျောင်းသွားမယ်။”

ဒဂုံတစ်လည်း ဘာထူးမှာလဲ ဟူသည့်အဓိပ္ပါယ်မျိုးနှင့် ဆရာမလေးက မဲ့ပြုံးပြုံး၏။ ဒေါ်ခင်ကြည် ကလေးကိုလက်ဆွဲပြီး ကျောင်းအပြင်သို့ ထွက်လာခဲ့လိုက်၏။ ကျောင်းအထွက်နား ဆိုင်းဘုတ်တစ်ခုအောက်တွင် မိဘနှစ်ယောက်စကားပြောနေသံ တိုးတိုးကြားရ၏။ သားဖြစ်သူက အင်္ဂလိပ်စာညံ့ကြောင်း။ ထို့ကြောင့် အတန်းထဲတွင် အဆင့်နိမ့်ကျနေကြောင်း။ ထို့နောက် အတန်းပိုင်ဆရာမနှင့် ကျူရှင်ထားလိုက်ကြောင်း။ အတန်းပိုင်ဆရာမဆိုသည်မှာ သိပ္ပံဆရာမဖြစ်သော်လည်း ကျူရှင်ထားပြီးသည့်နောက် အမှတ်များအဆင့်များကောင်းလာကြောင်း ကြားရ၏။ ရန်ကုန်တွင် ဒေါ်ခင်ကြည် နားမလည်နိုင်သည့်အရာများမှာ များလွန်းလှ၏။ ညကျမှ သားကို ထိုအကြောင်းတွေပြောတော့ ပြောပြရဦးမည်။
လမ်းမပေါ်သို့ထွက်ပြီး ထိုကျောင်းကြီးအား အမြင်ကပ်ကပ်နှင့် နောက်ဆုံးတစ်ကြိမ် လှည့်ကြည့်လိုက်၏။ ခုနကဖြတ်ကျော်ခဲ့သော ဆိုင်းဘုတ်ကြီးတွင် ရေးသားထားသော စာတန်းအား နားမလည်နိုင်စွာ တွေ့ရလေသည်။

“ကျောင်းသို့သာ ရောက်အောင် လာခဲ့ပါ”


နေပိုင်
၀၅ ဖေဖော်ဝါရီ ၂၀၁၃
၀၁း၁၅

အချစ်

ညဘက်စောစော မအိပ်တတ်သည့် အကျင့်ကလည်း ဆိုးသည်။ ဒါတင်မက မနက်စောစောမှ အိပ်တတ်သည့် အကျင့်ကလည်း ဆိုးသည်။ ပြတင်းပေါက်က လေတလှပ်လှပ်နှင့် အပြင်ကိုငေးကြည့်လိုက်တော့ မလှမ်းမကမ်းက မီးပွိုင့်ကိုတွေ့ရသည်။ ညက ညဥ့်နက်နေပြီဆိုတော့ လူသွားလူလာပင်မရှိတော့။ မီးပွိုင့်တွင် လူရုပ်ကလေး မီးနီနေသည်။ ဖြတ်ကူးမည့်လူမရှိ။ ရပ်စောင့်နေမည့်လူမရှိ။ ဟော…။ ခဏနေတော့ လူရုပ်ကလေး အစိမ်းရောင်ပြောင်းသွားပြန်သည်။ ဒါလည်း ဖြတ်သွားမည့်လူမရှိ။ ရပ်စောင့်မည့်လူမရှိ။

ဆရာမဂျူး၏ အချစ်ရဲ့အလှ အချစ်ရဲ့အရသာ ဝတ္ထုတိုအားပြန်သတိရမိသည်။ မီးပွိုင့်လေးက လူရုပ်ကလေးကော ချစ်တတ်ပါသလား။ အချစ်သည် မီးပွိုင့်နှင့်တူ၏။ ရပ်စောင့်မည့်လူမရှိ ဖြတ်သွားမည့်လူမရှိ။ သို့သော် အချိန်တန်လျှင် သူ့ဟာသူအရောင်ပြောင်းလဲသွားလိမ့်မည်။ ဟော…။ အိပ်မပျော်သည့်ညက ဒါမျိုးကျတော့လည်း ကောင်းနေတာပဲ။ အတွေးတစ်ခုရလိုက်သည်။

မီးပွိုင့်ကအကြည့်အား အခန်းထဲပြန်ထည့်လိုက်တော့ ကော်ပေတံ အဟောင်းလေး တစ်ချောင်းအားတွေ့ရသည်။ ပေတံက အဟောင်းလေးမို့ ဆေးသားတွေက ခပ်ဝါးဝါး။ ဆရာမ ဂျူး၏ ဝတ္ထုတိုလေးအား ထပ်သတိရပြန်သည်။ ကော်ပေတံအဟောင်းလေးမှာကော အချစ်ရှိလား။ တနည်းအားဖြင့် သူကော ချစ်တတ်သလား။ ချစ်တတ်သည့်တိုင် ကျွန်တော့်လို သူအိပ်ရေးပျက်ခံနိုင်မလား။

ကော်ပေတံအဟောင်းလေးရဲ့တန်ဖိုးကို ကျွန်တော်တို့ မည်သည်ဖြင့်သတ်မှတ်ကြမလဲ။ အစိပ်အကျဲ မတူညီသော အကွာအဝေးအတိုင်းအတာများ ကျွန်တော် မြင်ရသည်။ အချစ်သည်လည်း ဤသို့ပင်ဖြစ်လိမ့်မည်။ အကွာအဝေး အစိပ်အကျဲမတူညီမှုများကြားက မသိကိန်းလေး တစ်လုံး။ အချစ်သည် ကော်ပေတံလေး၏ ဟောင်းနွမ်းမှုနှင့်လည်း မသက်ဆိုင်။ အကွာအဝေးအတိုင်းအတာများနှင့်လည်း မသက်ဆိုင်။ အချစ်သည် အချစ်သာဖြစ်၏။ ကော်ပေတံအဟောင်းလေးကို လက်ထဲတွင် ဆုပ်ကိုင်လိုက်သည်။ ဟော..။ ဒါကော ကျွန်တော် သူ့ကိုပိုင်ဆိုင်သွားရောလား။ မဟုတ်။ ပေတံကလေးကို ကျွန်တော်ပိုင်ချင်ပိုင်မည်။ သူ့အပေါ်က သတ်မှတ်ချက်တွေ အကွာအဝေးတွေကို ကျွန်တော် ပိုင်ဆိုင်နိုင်လိမ့်မည်မဟုတ်။ အချစ်သည်လည်း ဤသို့ပင်။

ကျွန်တော့်အစ်မ မဇော်နှင့် စကားစမြည်ပြောဖူးသည်။ မှတ်မှတ်ရရသူကမေးဖူးသည်။ လူတစ်ယောက်ကို ချစ်မိဖို့ ဘာတွေလိုမလဲ.. တဲ့။ ဒီမေးခွန်းကို ကျွန်တော် ဖြေဖို့အတွက် သူ့ကို ကျွန်တော် မေးခွန်းပြန်ထုတ်ရသည်။ လူတစ်ယောက်ကို ချစ်ဖို့ အချိန်ဘယ်လောက်လိုမလဲ။ မဇော်ပြန်မဖြေ ပြုံးရုံသာ ပြုံးနေ၏။ တကယ်တော့ လူတစ်ယောက်ကိုချစ်ဖို့ အချိန်ဘယ်လောက်မှ မလိုဘူး။ လွယ်လွယ်ကူကူ စဉ်းစားကြည့်။ မချစ်ခင်ကနဲ့ ချစ်သွားတယ်ဆိုတဲ့ အချိန်အပိုင်းအခြား။ ထို၂ခုကြားက အချိန်ကွာခြားမှုသည် တစ်စက္ကန့်ဆိုလည်း ဟုတ်သည်။ တစ်စက္ကန့်၏ ဆယ်ပုံတစ်ပုံဆိုလည်းဟုတ်သည်။ အချစ်၏ နောက်ပိုင်းတွင်သာ လူနှစ်ဦး ပေါင်းသင်းဖို့ကိစ္စတွေ ဘာညာ စဉ်းစားတော့မှသာ ဦးနှောက်ကပါလာသည်။ အချိန်ယူရသည်။ ထိုကြောင့် လူနှစ်ယောက် တစ်ယောက်နှင့်တစ်ယောက်ကို ချစ်မိသွားဖို့ အချိန်ဘယ်လောက်မှမလို။ ထို့ကြောင့် မဇော်မေးသည့် လူတစ်ယောက်ကိုချစ်ဖို့ ဘာတွေလိုမလဲ။ ရှင်းပါသည်။ ဘာမှမလိုပါ။ အပေါ်ကပြောခဲ့သည်။ တစ်စက္ကန့်၏ ဆယ်ပုံတစ်ပုံလောက်သာ လိုလိမ့်မည်။


နေပိုင်
၁၂.ဝ၈.၂ဝ၁၂

ဟွန်းသံကင်းမဲ့ဇုန်သာ ဖြစ်စေချင်ပါသည်

စိတ်ထဲတွင် ဆောင်းပါးတစ်ပုဒ်ရေးချင်စိတ် ဖြစ်နေမိသည်။ ဘယ်ကစရေးရင်ကောင်းမလဲ။ ပြောချင်သည့် အကြောင်းအရာများ။ Message ပေးချင်သည့် ကိစ္စများ။ တေးတေးထားပြီး မရေးဖြစ်သော စကားလုံးများစွာ။ များစွာများစွာတို့နှင့် မရေးဖြစ်သည်မှာ ကြာခဲ့ပြီ။ ယခုရေးမည်ဆိုတော့ မိုးသောက်ပန်းဂျာနယ်ကပင် စရေးမည်။

ကျွန်တော်ငယ်ငယ်က မိုးသောက်ပန်းဂျာနယ် အဖတ်များခဲ့သည်။ ကာတွန်းပေါင်းများစွာ ရယ်စရာ ဟာသပေါင်းများစွာ ဗဟုသုတများစွာနှင့် ကလေးတစ်ယောက်အတွက် နားလည်လွယ်သောကြောင့် ကလေးပီပီ မိုးသောက်ပန်းဂျာနယ်ကို ကြိုက်ခဲ့ဖူးသည်။ ယခုဖော်ပြမည့် အကြောင်းအရာမှာ မိုးသောက်ပန်းဂျာနယ် မည်သည့်အတွဲ မည်သည့်အမှတ်စဉ်၊ မည်သည့်နှစ် မည်သည့်လထုတ်မှန်း မမှတ်မိတော့ပါ။ သေချာသည်က ကျွန်တော်ကလေးဘဝက ဖြစ်သည်။

ရုပ်ပြကာတွန်းမှာ ဤသို့ဖြစ်သည်။ မြို့ထဲမီးပွိုင့်တစ်ခုတွင် ကားပေါင်းများစွာရှေ့၌ လှည်းတစ်စီးရောက်ရှိနေသည်။ မီးနီနေချိန်မို့ မီးစိမ်းလာမည့်အချိန်ကို စောင့်ဆိုင်းနေကြသည်။ မြို့လည်ခေါင်မို့ ကားပေါင်းများစွာနှင့် ရှုတ်ရှုတ်ယှက်ယှက် နိုင်လွန်းလှသည်။ အချိန်စေ့၍ မီးပွိုင့်မီးစိမ်းသွားသောအခါ ကားပေါင်းများစွာက ကားစက်သံ တဗျင်းဗျင်းနှင့် စတင်ထွက်ခွါရန် တာဆူကြသည်။ ဖြစ်ချင်တော့ ရှေ့ဆုံးမှ လှည်းက အထွက်တွင် လမ်းချိုင့်ခွက်ထဲသို့ ဘီးကျွံသွား၏။ နွားများ၏ ရုန်းအားဖြင့် ဆွဲသော်လည်း မရ။ လှည်းမှာ နေမြဲသာ ဖြစ်နေ၏။ လှည်းပေါ်တွင် စီးနင်းလိုက်ပါလာသော ခရီးသည် အမျိုးသားနှစ်ဦး လှည်းပေါ်မှဆင်းကာ အားစိုက်တွန်းကြသည်။ အခြေအနေမှာ မထူးခြား။ လှည်းမှာ ရပ်မြဲရပ်နေဆဲသာဖြစ်၏။ အချိန်တရွေ့ရွေ့နှင့် ကားများထံမှ ကားဟွန်းသံများထွက်ပေါ်လာ၏။ လှည်းနောက်တွင် အားစိုက်တွန်းနေသူ အမျိုးသားနှစ်ဦး ချွေးများ ရွှဲနစ်နေကြပြီ။ ထပ်မံ၍ ကားများထံမှ ဆဲဆိုသံများ ထွက်ပေါ်လာပြန်၏။ လှည်းမှာ မရွေ့နိုင်သေး။

ထိုအခိုက် ပလက်ဖောင်းပေါ်မှ လူငယ်လေးတစ်ဦးက ထိုအခြေအနေ အဖြစ်အပျက်ကို မြင်၏။ ပုဆိုးကိုခပ်တိုတို ပြင်ဝတ်၏။ သူ၏ခြေလှမ်းများက လှည်းနောက်သို့ ဦးတည်သွားရောက်ကာ လွတ်နေသောနေရာမှ ကူညီကာ အားစိုက်တွန်းပေးလိုက်၏။ အမျိုးသား သုံးဦး၏ အားနှင့်မို့ လှည်းမှာ ချိုင့်မှ လွတ်ကာ စတင်ရွေ့လျား ထွက်ခွါသွား၏။ ထိုလူငယ်လေးလည်း ကိုယ့်လမ်းကိုယ်ဆက်သွား၏။ ရုပ်ပြကာတွန်းလည်း ဤတွင် ပြီး၏။

ငယ်ငယ်က ကလေးဦးနှောက်နှင့်မို့ မြို့လည်ခေါင်တွင် လှည်းမောင်းနှင်သည်မှာ ဖြစ်နိုင်မဖြစ်နိုင်ကို မတွေးမိခဲ့။ (အမှန်တကယ် တွေးရန်လည်း မလိုပါ။) ယနေ့ခေတ် မျက်စိရှေ့တွင်မြင်ရသော၊ နားထဲတွင်ကြားရသော အသံများ နှင့် ဆက်စပ်၍ ထိုရုပ်ပြကာတွန်းလေးအား အမှတ်ရမိသည်။ ထိုလူငယ်လေးက စကားတစ်ခွန်းမှမပြောဘဲ လုပ်သင့်လုပ်ထိုက်သည်ကို သူဝင်လုပ်သွား၏။

ယခု ကျွန်တော်အပါအဝင် မြန်မာနိုင်ငံသား လူတိုင်းလူတိုင်းသည် လှည်းဘီးလမ်းကျွံနေသည့် အခြေအနေတစ်ရပ်ကို တွေ့ကြုံနေရသည်။ မြင်တွေ့သမျှတွင် ပိုက်ဆံချမ်းသာ၍ ကားစီးနိုင်သူများက ဟွန်းတီးကြသည်။ ဘတ်စ်ကား စီးသူများက တဗျစ်တောက်တောက် ပြောဆိုကြသည်။ စပယ်ယာများက ဆဲဆို မေတ္တာပို့ကြသည်။ လှည်းအား မနိုင်မနင်းတွန်းနေသူများက ချွေးသံတရွှဲရွှဲ ဖြစ်နေသည်။ လမ်းပေါ်မှ လူများကလည်း ကိုယ်နှင့်မဆိုင်သလို ကိုယ့်လမ်းကိုယ်သွားနေကြသည်။

(ကျွန်တော်တို့တွင် ကြိုက်ရာရွေးချယ်နိုင်သည့် အခွင့်အရေးရှိသည်ဆိုကြပါစို့။) ကိုယ့်ကိုကိုယ် ပြန်လည်သုံးသပ်သင့်နေပြီ ဖြစ်သည်။ ကိုယ်သည် ဟွန်းတီးနေမိသူတစ်ယောက်လား။ တဗျစ်တောက်တောက် ပြောနေမိသူတစ်ယောက်လား။ ဆဲဆိုနေမိသူ တစ်ယောက်လား။ မဆိုင်သလို ကိုယ့်လမ်းကိုယ်သွားနေမိသူတစ်ယောက်လား။ မနိုင်မနင်း လှည်းတွန်းနေမိသူတစ်ယောက်လား။ အမှန်တကယ်ကို သုံးသပ်သင့်နေပါပြီ။ လှည်းအနေနှင့်လည်း စကားတစ်ခွန်းမှ မပြောဘဲ လုပ်သင့်လုပ်ထိုက်သည်ကို ဝင်လုပ်သွားသော လူငယ်ကဲ့သို့ လူငယ်ပေါင်းများစွာကို အမှန်တကယ် လိုအပ်နေပါသည်။ ကျွန်တော့်ဆန္ဒအရ ပြောရလျှင်လည်း ထိုတာဝန်သိလူငယ်ကဲ့သို့ လူငယ်ပေါင်းများစွာနှင့် ဟွန်းသံကင်းမဲ့ဇုန်သာ ဖြစ်စေချင်မိပါတော့သည်။



နေပိုင်
၂၆.၀၅.၂၀၁၂
(အကိုးအကား-မိုးသောက်ပန်းဂျာနယ်)
(အတွဲ အမှတ်စဉ်- မမှတ်မိ)

ကျွန်တော်မို့ မသိပါ (မိတ္ထီလာမှ ဂျူဗင်တပ်စ်)

မိတ္ထီလာတွင်ဖြစ်သည်။ တစ်ဖက်မှလူက အရှိန်နှင့်ပြေးလာသည်။ တခြားတစ်ဖက်မှ လူကလည်း ထိုသို့အရှိန်နှင့်ပြေးလာသည်ကိုတွေ့သည်။ ထို့ကြောင့် ရင်ဆိုင်ရန်အသင့်ပြင်ထားသည်။ တဖက်မှ ပြေးလာသည့်လူက ပြေးလာသည့်အရှိန်နှင့် အံကြိတ်ကာ အားကုန်သုံး၍ ခြေထောက်ဖြင့် ပိတ်ကန်လိုက်၏။ ထိချက်မှာ ပြင်းလွန်းလှသဖြင့် တဖက်တွင် ရင်ဆိုင်ရန် အသင့်စောင့်ဆိုင်းနေသော လူခမျာ အရှိန်ပြင်းပြင်းပြုတ်ကျသွားသည်။ ထင်ထားသည့်အတိုင်းပင် တစ်ဖက်လူမှာ ပျော်မြူးသွားပြီး တစ်ဖက်လူမှာဖြင့် ကြေကွဲသွားရတော့သည်။ ဘောလုံးမှာ ဂိုးပေါက်အတွင်းသို့ တန်းတန်းမတ်မတ် ဝင်သွားလေသည်။ စာရေးသူ ပြောချင်တာတွေ ပြောရမည်က ဤတွင် အစဖြစ်သည်။
ကိုယ်မသိတာတွေသိပ်များလှသည်။ အထက်ပါစာပိုဒ်အား အမှတ်တမဲ့ဖတ်လျှင် မည်သူကများ ယခုလက်ရှိအခြေအနေနှင့် ဘောလုံးပွဲတစ်ပွဲလို့ထင်ပါမည်လဲ။ ဘောလုံးပွဲတစ်ပွဲဟု ဘယ်သူက ကောက်ချက်ချပါမည်လဲ။ ကိုယ်မသိပါ။
ဘောလုံးပွဲဟုပင်ဆိုကြပါစို့။ ယခင်ခေတ်များတွင် ရေဒီယိုမှ ဘောလုံးပွဲအစီအစဉ် ကြေငြာခြင်းများ ရှိခဲ့သည်။ ကြေငြာပေးသူကလည်း တကယ်အမှန်ပင် အာပေါင်အာရင်းသန်သန်ဖြင့် နားထောင်ရသူ ကိုယ်တိုင်ဝင်ကစားနေရသည့်အလား ပြောပြနိုင်ပေသည်။ အမှန်တကယ် ဆင်နွှဲနေသည့် ဘောလုံးပွဲအား တကယ်ဖြစ်ပျက်နေသည့်အတိုင်းပင် တစ်ချိန်တည်းမှာပင် တပြိုင်နက် ကြေငြာနေခြင်းဖြစ်သည်။ ဤသည်မှာ မီဒီယာပင်ဖြစ်သည်ဟု ပြောရမည်လား။ ကိုယ်မသိပါ။ ယနေ့ခေတ် မီဒီယာများသည်လည်း အမှန်တကယ် ဖြစ်ပျက်နေသည့်အတိုင်းကို ပြန်လည် ပြောပြပေးနိုင်ပြီလား။ ကိုယ်မသိပါ။
စာရေးသူ မသိသည့်ကိစ္စတွေကလည်း ခပ်များများပင်။ မြင်ရကြားရသည့် သတင်းများသည် မီဒီယာကြားခံဖြစ်နေသ၍ ကိုယ်မယုံရဲပေ။ မီဒီယာသည် အင်္ကျီညာဘက်အခြမ်းမှ ကြယ်သီးအား အင်္ကျီဘယ်ဘက်ခြမ်းသို့ ဖြောင့်ဖြောင့်တန်းတန်း တပ်ပေးရမည့် လက်တစ်ချောင်းဖြစ်သင့်သလား။ ကိုယ်မသိပါ။ ဖရိုဖရဲ ဟပြဲဖြစ်နေသည့် ရင်ဘတ်အား စေ့ပေးရန် အတတ်နိုင်ဆုံးအရာဖြစ်သည့် လက်သည် မီဒီယာ ဟုတ်ပါသလား။ ကိုယ်မသိပါ။
ချိန်ခွင်တစ်ခုတွင် တစ်ဖက်ခြမ်း၌ တစ်ပိဿာအလေးတုံးထည့်ထားသည်။ တခြားတဖက်ခြမ်း၌ ငါးဆယ်သားအလေးတုံး ထည့်ထားသည်။ တစ်ပိဿာအလေးတုံး ထည့်ထားသည့်ဘက်မှ လျော့ကျနေပြီး ငါးဆယ်သားရှိသည့်ဘက်မှ အလေးတုံးမှာ အပေါ်သို့ရှိနေမည်။ ချိန်ခွင်၏ ဝိသေသလက္ခဏာမှာ လေးသည့်ဘက်ကို လေးကြောင်းပြ၍ ပေါ့သည့်ဘက်အား ပေါ့ကြောင်းပြရမည်လား ကိုယ်မသိပါ။ ထို့အပြင် အရှိကိုအရှိအတိုင်း ၊ လေးသည့်ကို လေးသည့်အတိုင်း ပြရမည့် ချိန်ခွင်၏ သဘောသဘာဝသည် မီဒီယာနှင့် အလားသဏ္ဍာန်တူပါသလား။ ကိုယ်မသိပါ။ ကိုယ်မသိသည်များမှာလည်း များ များနိုင်လွန်းပါသည်။
မသိသည့်ကြားကပင် လူတစ်ချို့အကြောင်း ပြောပြချင်ပါသေးသည်။ ပထမ ပြောပြချင်သည့် လူမှာ Roberto Baggio (ရောဘတ်ဘက်ဂီယို) ဖြစ်သည်။ သူသည် အီတလီနိုင်ငံ ကာလ်ဒိုဂနို (Caldogno,Italy) မြို့တွင် ဖေဖော်ဝါရီလ ဆယ့်ရှစ်ရက် ၁၉၆၇ ခုနှစ်တွင် မွေးဖွားခဲ့သူဖြစ်သည်။ လူတိုင်းကြားဖူးသည့် နာမည်ကြီး ဘောလုံးသမား တစ်ဦးပင်ဖြစ်သည်။ကလပ်အသင်းပေါင်း ၇သင်းတွင် ကစားခဲ့ပြီး သူသည် ရှေ့တန်း၊ ရှေ့တန်းအချန်တိုက်စစ် နေရာများတွင် ကစားသူဖြစ်သည်။သူသည် ဖီဖာမှ ချီးမြှင့်သည့် ကမ္ဘာ့အကောင်းဆုံး ဘောလုံးသမားဆု၊ အီတလီ နိုင်ငံဘောလုံးအသင်း၏ ဂိုးအများဆုံးစံချိန်ရှင်၊ ၁၉၉၄ အတွက် ငွေဘောလုံးနှင့် ငွေဖိနပ် ဆုရှင် ၊ စီးရီးအေ အီတလီကောပါးဖလား နှင့် ယူအီးအက်ဖ်အေတို့တွင် အလွန်နာမည်ကြီးခဲ့သူဖြစ်သည်။
နောက်တစ်ဦးမှာ Alessandro Del Piero (အဲလက်ဇန်းဒရိုး ဒဲလ်ပီယာရို) ဖြစ်သည်။ သူသည် အီတလီနိုင်ငံ ကော်နီဂလီယာနို (Conegliano, Italy) တွင် နိုဝင်ဘာလ ကိုးရက် ၁၉၇၄ တွင် မွေးဖွားခဲ့သူဖြစ်သည်။ ငယ်စဉ်ကပင် သူငယ်ချင်းနှစ်ဦးဖြစ်သူ နယ်လ်ဆို နှင့် ပီယာပါအိုလို တို့နှင့် ကစားကွင်းထဲတွင် ဘောလုံးကစားခဲ့သူဖြစ်ပြီး ဘောလုံးဝါသနာထုံသူဖြစ်သည်။ ထိုဝါသနာဖြင့်ပင် ကြီးပြင်းအရွယ်ရောက်လာသည့်အခါ နာမည်ကြီးကစားသမားတစ်ဦးဖြစ်ခဲ့ပြီး ဂျူဗင်တပ် ဘောလုံး အသင်းတွင် ၁၉နှစ်ကြာအောင် ကစားခဲ့ပြီး ထင်ရှားသောကစားသမားတစ်ယောက် ဖြစ်လာခဲ့သည်။ သူသည် တိုက်စစ်မှူးဖြစ်ပြီး တိုက်စစ်၊ အချန်တိုက်စစ်နေရာများတွင် ကစားသူဖြစ်သည်။ ထို့ပြင် လစာအများဆုံး ဘောလုံးသမား၊ ကြော်ငြာများစွာမှ အပိုဝင်ငွေအများဆုံး ရသည့်ကစားသမား ဖြစ်လာခဲ့သည်။ သူ၏ ဂိုးသွင်းအားကောင်းမှုကြောင့်ပင် ဖီဖာ၊ ယူအီးအက်ဖ်အေ တို့မှ ချီးမြှင့်သည့် ဆုပေါင်းများစွာကို ပိုင်ဆိုင်ခဲ့ဖူးသူဖြစ်သည်။
တတိယ တစ်ဦးမှာ Zinedine Yazid Zidane ( ဇီဒန်း ) ဟု ပြောလျှင် လူတိုင်းသိပေလိမ့်မည်။ သူသည် ပြင်သစ်နိုင်ငံ မာဆေးလ်( Marseille, France) တွင် မွေးဖွားခဲ့သော အလယ်တန်းဖန်တီးရှင် ကစားသမားကြီးတစ်ဦးဖြစ်သည်။ သူသည်လည်း ၁၉၉၆ ခုနှစ်မှ ၂၀၀၁ ခုနှစ်ထိ ဂျူဗင်တပ်စ်အသင်းတွင် ကစားခဲ့သည့် ကစားသမားဖြစ်သည်။ သူ၏ နာမည်ကျော်ကြားမှုများမှာ လူအများအား ပြန်လည်ပြောပြရင် မလိုလောက်အောင်ပင် နာမည်ကြီးခဲ့သူဖြစ်သည်။ ဇီဒန်းကစားပုံ ဇီဒန်းကစားဟန် စသည်ဖြင့် လူအများကြားတွင် ပြောစမတ်တွင်အောင်ကို ဖြစ်ခဲ့သည်။ သူရရှိခဲ့သောဆုများအား ပြန်လည်ဖော်ပြနေရန်မှာ မလိုအပ်ဟုပင်ထင်သည်။
စာရေးသူမသိခြင်းတွေ ထပ်ပြောရဦးမည်။ ထိုဂျူဗင်တပ်အသင်းတွင် ကစားခဲ့သော ဘက်ဂီယိုသည် ဗုဒ္ဓဘာသာ ကိုးကွယ်သူဖြစ်သည်။ ဒဲလ်ပီယာရိုသည် ခရစ်ယာန်ဘာသာ ကိုးကွယ်သူ ဖြစ်သည်။ ဇီဒန်းသည် မူစလင်ဘာသာ ကိုးကွယ်သူ ဖြစ်သည်။ စာရေးသူမသိသည်မှာ ဂျူဗင်တပ်အသင်းသည် အဘယ်ကြောင့် ဘာသာတရားခွဲခြားခွဲခြားမလုပ်ခဲ့သည်လည်းမသိပါ။ ယခု မြင်ရ ကြားရသလို ဘာသာရေးခွဲခြားပြနေသည့် မီဒီယာများ၏ လုပ်ရပ်ကို မသိပါ။ နားမလည်ပါ။ မပြောတတ်တော့ပါ။
အထူးသဖြင့် ဘက်ဂီယိုနှင့် ဒဲလ်ပီယာရိုတို့သည် တစ်သင်းတည်းတွင် ၁၉၉၃ မှ ၁၉၉၅ ထိ ဂျူဗင်တပ်အသင်းအတွက် ကစားခဲ့သူများ ဖြစ်သည်။ ကစားသည့်နေရာလည်း တူညီကြသည်။ သူတို့နှစ်ဦး ဘာသာမတူသည့်အတွက် ခိုက်ရန်ဖြစ်ပွားခဲ့သည်လား ကျွန်တော်မသိပါ။ ခိုက်ရန်ဖြစ်ပွားခဲ့ပါကလည်း မီဒီယာများက အမှန်အတိုင်း ဖော်ပြခဲ့ပါသလား။ ကျွန်တော်မသိပါ။ တစ်ယောက်က ဘောလုံးမကန်ရအောင် တစ်ယောက်က အကောက်ကြံခဲ့ခြင်းမျိုးရှိခဲ့ပါသလား။ ကျွန်တော် မသိပါ။ ထို့ပြင် ဇီဒန်းသည် ကမ္ဘာ့ဖလားတွင် မာတာရာဇီအား ခေါင်းဖြင့်တိုက်ခဲ့ခြင်းသည်မှာလည်း ဘာသာမတူခြင်းကြောင့်ပါလား ကျွန်တော်မသိပါ။
ကျွန်တော်မသိခြင်းများသည် များလွန်းလှသည့်အတွက် သိချင်သည့်စိတ်ကလေးများ ဖြစ်ပေါ်မိပါသည်။ ထိုကြောင့် လိုက်မေးကြည့်ချင်ပါသည်။ မီဒီယာများဖော်ပြသည်ကိုလည်း သိချင် ဖတ်ချင်ပါသည်။ မီဒီယာများက သတင်းအမှန်ကို ပေးသည်မပေးသည်ကို ကျွန်တော်မသိပါ။ မည်သည့်မီဒီယာက အမှန်အတိုင်းပြောပြီး မည်သည့်မီဒီယာက အမှန်အတိုင်းမပြောသည်ကိုလည်း ကျွန်တော်မသိပါ။ အခွင့်ကြုံသည့်အခါတွင် မီဒီယာက ပြောပြမည့် သတင်းအမှန်အား ကျွန်တော်သိခွင့်ရလိမ့်မည်ဟု မျှော်လင့်မိပါသည်။

|| နေပိုင် ||
|| ၂၁ မတ် ၂၀၁၃||

ကျွန်တော်နှင့် မီးပွိုင့်ကလေး

ခွဲခွာခြင်းသည် မီးပွိုင့်တစ်ခုနှင့်တူ၏။ ဘယ်အချိန်မှာများ ခွဲခွာသွားကြရမလဲလို့ နာရီကို ငေးကြည့်နေရသည်က မီးပွိုင့်တစ်ခုကို ခြေရာခံလိုက်နေရသည်နှင့်တူ၏။ သူမ၏မီးပွိုင့်ကလေးသည် သူမ၏ နှုတ်ခမ်းပါးလေးဖြစ်သည်။ ကျွန်တော်နှင့်သူမ နောက်တစ်ကြိမ်ထပ်မတွေ့ကြတော့ဖို့၊ ကျွန်တော်နှင့်သူမ ပြတ်တောက်ဝေးကွာသွားဖို့၊ ထိုမီးပွိုင့်လေးကိုပင် ကျွန်တော် ကြောက်လန့်နေရ၏။ သူမမီးပွိုင့်လေးတွင် ကျွန်တော် အသက်အာမခံကြေးဆောင်ထားဖူးသည်။ သူမမီးပွိုင့်လေးတွင် ကျွန်တော် ခဏခဏ လမ်းဖြတ်ကူးဖူးသည်။ သူမမီးပွိုင့်လေးတွင်ပင် ကျွန်တော် ပင်လယ်နှင့်ဆုံဖူး၏။ တိုက်တိုက်ဆိုင်ဆိုင် ထိုနေ့က သောကြာနေ့ဖြစ်မည်ထင်သည်။
မီးပွိုင့်ကလေး၏ရှေ့တွင် ကျွန်တော်နှင့်ပင်လယ် သီချင်းဆိုကြ၏။ သူမနှုတ်ခမ်းကိုက်ထားသောအခါ ကျွန်တော်ကြည့်နေကျ မီးပွိုင့်ကလေးလည်း ကားရှုတ်သွားဖူး၏။ ကျွန်တော်လမ်းကူးဖို့ နောက်ကျဖူး၏။ ပင်လယ်နှင့်သီချင်းဆိုကြသည့်နေ့ကပင်ဖြစ်သည်။ ထိုနေ့ကညဘက်တွင် မီးပွိုင့်ကလေး တယ်လီဖုန်းထဲ၌ စိတ်ကောက်၏။
ကျွန်တော့်မီးပွိုင့်ကလေးသည် ကလေးဆန်၏။ ကျွန်တော်မရှိသည့်အခါမျိုးတွင် မီးပွိုင့်ကလေးတွင် ခဏခဏ ယဉ်တိုက်မှုဖြစ်တတ်၏။ သူမကိုအကဲခတ်ရသည်မှာ သိပ်မထူးဆန်းလှသော်လည်း တစ်ချက်တစ်ချက် သူမအရောင်ပြောင်းသွားတိုင်း ကျွန်တော့်မှာ အချိန်မလောက်မငှ အမြဲဖြစ်ရသည်။ သူမသည် ကျွန်တော့်အား ဟိုင်းဝေးလမ်းမကြီးဟုလည်း တစ်ခါတစ်ခါ ခေါ်တတ်၏။ သူမ၏အမှားလည်းမဟုတ်ပါ။ သူမမီးရောင်လေးတွေအတိုင်း ကျွန်တော့် သွားလာခွင့်တွေ ပိတ်ပင်သွားခဲ့ဖူး၏။
ကျွန်တော်မီးပွိုင့်ကလေးကိုချစ်သည်။ မီးပွိုင့်ကလေးသည် ကလေးပေါက်စလေးတစ်ယောက်နှင့်တူ၏။ ဘယ်သူရှိရှိမရှိရှိ၊ သူမအားစောင့်ကြည့်နေမည့်သူ ရှိရှိမရှိရှိ၊ သူမသည် အချိန်မှန် တာဝန်ကျေ အရောင်ပြောင်းလဲနေ၏။ သူမမျက်နှာကလေးနီသွားတိုင်းနီသွားတိုင်း ကျွန်တော့်မှာ သေဘေးနှင့် သိပ်နီးသွားတတ်သည်။ ကျွန်တော့်အသက်အာမခံကြေးကအစ ထိုမီးပွိုင့်ကလေးထဲ၌ပင် မြှုပ်နှံထားခဲ့ဖူး၏။
မီးပွိုင့်ကလေး၏ မွေးနေ့ မည်သည့်နေမှန်း ကျွန်တော်မသိပါ။ မီးပွိုင့်ကလေးအတွက် မွေးနေ့လုပ်ပေးဖို့လည်း ကျွန်တော် တစ်ခါမှ မစဉ်းစားခဲ့ဖူးပါ။ သို့သော် မီးပွိုင့်ကလေးကို ကျွန်တော် သနပ်ခါးပါးကွက်ကြားကလေး လက်ဆောင်ပေးချင်ဖူးသည်။ မီးပွိုင့်ကလေးကြိုက်နှစ်သက်ပါ့မလား ကျွန်တော်မသိပါ။ သို့သော် သူမပါးကွက်ကလေးကွက်ထားသည်ကို ကျွန်တော် မြင်ဖူးချင်မိသည်။
မီးပွိုင့်ကလေးကို ဖြတ်ကူးတိုင်း အန္တရာယ်ကင်းအောင် ချစ်တယ်ချစ်တယ်ဟု ကျွန်တော် ဂါထာရွတ်လေ့ရှိသည်။ မီးပွိုင့်ကလေး ကြားသည်ဖြစ်စေ မကြားသည်ဖြစ်စေ ကျွန်တော် အမြဲရွတ်လေ့ရှိသည်။ အမှတ်မထင်မိပါဘဲ ထိုနေ့က သောကြာနေ့ ဖြစ်နေပြန်သည်။ ပင်လယ်ကို လှမ်းတွေ့လိုက်သည်မို့ လမ်းဖြတ်ကူးရင်း ဂါထာမရွတ်မိလိုက်သည့်ကျွန်တော်အား ကံကြမ္မာတစ်ခုလုံးက အရှိန်ပြင်းပြင်းနှင့် ….
“အား!!!!!”

မျက်လုံးများကို ကြိုးစားကာ ဖွင့်ကြည့်မိသည့်အချိန်တွင် မီးပွိုင့်ကလေး၌ မျက်ရည်များစွာကို တွေ့ရသည်။ မီးပွိုင့်ကလေးတွင် ယာဉ်တိုက်မှုဖြစ်နေသည်။ ကျွန်တော် မီးပွိုင့်ကလေး၏ မျက်ရည်များကို သုတ်ပေးချင်မိသည်။ သို့သော်.. သို့သော်..

ထိုနေ့က .. သောကြာနေ့ဖြစ်သည်။



နေပိုင်
ဝ၅.၁ဝ.၂ဝ၁၂
၂၃း၁၄

ဒီကောင်လည်း(ငါ့လို) စောက်ကြီးစောက်ကျယ်

ဂလိုဘယ်လိုက်ဇေးရှင်းက လူငယ်စိတ်ကို လမ်းလွှဲပစ်လိုက်ပြီ။
ဒေါင်ကျကျပြားကျကျ။ စာမေးပွဲကျကျ။ connection ကျကျ။ စိတ်ဓာတ်မကျသရွေ့ အားလုံးဟာသပဲ။
ခင်ဗျားလည်း မသိလိုက်မသိဘာသာနဲ့ပဲ ရောထွေးသွားမလား။
စိတ္တဇဆန်မှုဟာ တဖြည်းဖြည်းနဲ့ ညဥ့်နက်လာတယ်။

ခုတလော ရေပန်းစားနေတဲ့ ခေတ်ထက် ပါးစပ်ဖျားမှာ ခစ်ကိုထည့်ဆောင်ထားကြရင် ပိုငြိမ်းချမ်းမလား။
မနက်စာဟာ ရုပ်မြင်သံကြား သတင်းခေါင်းစဉ်။
လူထုဆက်ဆံရေးနယ်ပယ်မှာ တချို့ကသွားပိုးစားနေကြတယ်။
တချို့ကမိုးမျှော်တိုက်ကို အိပ်မက်လုပ်ဝတ်ကြတယ်။
တချို့ကမိတ်ဖြစ်ဆွေဖြစ် မိုးလင်းဆိုင်ကိုခေါင်းအုံးအိပ်လို့။
တချို့က လက်ခုပ်သံကို အခကြေးငွေနဲ့ လဲနားထောင်လို့။

စိတ်ပိုင်းဆိုင်ရာမှိုင်းမိတဲ့ကိစ္စဟာ ပေါ့သေးသေးမဟုတ်ဘူးဆိုပေမဲ့ ရေးကြီးခွင်ကျယ်လည်းမဟုတ်ပြန်ဘူး။
(ဆိုတော့) အပိုတွေလုပ်နေမယ့်အစား အလုပ်တွေပိုလုပ်ရင်ကောင်းမယ်။
စောက်ကြီးစောက်ကျယ်ဆိုတာ အမေရှိလျှက် ချိုလိမ်တန်းလန်းနဲ့ ကလေးကိုလည်းပြောလို့ရတယ်။
အဆင့်မြင့်ဖုန်စုပ်စက်တွေလည်းပြောလို့ရတယ်။
ဒေါ်လာယောင်ဆောင်ထားတဲ့စက္ကူကိုလည်းပြောလို့ရတယ်။
ကိုယ်နဲ့မကွာဆောင်လို့မရတဲ့ တိုင်ကပ်နာရီလည်းပြောလို့ရတယ်။ ကဗျာဆရာ
လည်း ပြောလို့ရတယ်။

ဧပရယ်က ကိုယ့်ကိုကိုယ်အရက်သောက်ပါတယ်လို့ ကြွေးကြော်တတ်တဲ့ ချာတိတ်မလေးတစ်ယောက်။
ဆက်သွယ်မှုဧရိယာပြင်ပဆိုတာ ရန်ကုန်လမ်းညွှန်နဲ့မန္တလေးလမ်းညွှန်ထဲမှာ မပါတော့ ကိုယ့်ကို
လူကြီးမင်းလို့ခေါ်..ခေါ်နေတဲ့ကောင်မလေးလည်း စောက်ကြီးစောက်ကျယ်မလေးပဲ။
တရိပ်ရိပ်တက်နေတဲ့ ဈေးနှုန်းက ဆေးလိပ်မသောက်ဖို့၊
ကွမ်းမစားဖို့။ အရက်မသောက်ဖို့။ အင်တာနက်မသုံးဖို့။ စောက်ကြီးစောက်ကျယ်မပြောဖို့။ ပုခုံးပုတ်ပြောတယ်။
သွားစမ်းပါ။
ဒါလည်းစောက်ကြီးစောက်ကျယ်ပဲ။

၂၁ရာစုမှာ ကဗျာဆိုတာ ၁၀တန်းစာမေးပွဲထက် နတ်ကြီးတယ်။
ကမ္ဘာကြီးပေါ်တည့်တည့်ရပ်ပြီး အမြင်စောင်းမယ်ဆို ရှက်ဖို့မကောင်းဘူးလား။
လက်ကားပြ ခြေကားပြပြီး ခေါင်းတိုက်သွားတဲ့ ဘောလုံးသမားက အကြီးမားဆုံးဟာသပဲ။
တစ်ခုတော့တွေးလိုက်မိပါရဲ့။
ဒီကောင်လည်း(ငါ့လို) စောက်ကြီးစောက်ကျယ်ပဲလို့။


နေပိုင်
၀၉.၀၃.၂၀၁၂

ငါစာအိတ်ထဲမှာရှိတယ်

မေ့မေ့ပျောက်ပျောက်တွေက မေ့မေ့ပျောက်ပျောက်ဖြစ်မသွားဘူး။
ထိတ်လန့်နေသူအတွက် ခြေသံဆိုတာ ကြိုးစင်ပဲ။
ငါကလည်းငါပဲ။
ဒီအချိန်ဆိုဘယ်ဘက်ကလက်ဖျံလေး အိပ်ပျော်နေပြီလား။
ကံကော်တွေနဲ့ရန်ဖြစ်နေမလား။
"လား"တွေနဲ့ပိတ်မိနေတုန်း။
ကိုယ့်ကိုကိုယ် ဂရုစိုက်။ ကဗျာကနင့်ကျန်းမာရေးနဲ့သင့်တော်တယ်။

စာအိတ်လေးကို လုံးဝမစွပ်စွဲနဲ့။
ရေငတ်နေတဲ့ကိစ္စက ပင်လယ်နဲ့အာပတ်မပြေဘူး။
ငါ့မှာထိတ်လန့်ခါစဆိုလို့
လက်မောင်းပေါ်က "သွား"ရာလေးရယ်
ကွင်းစကွင်းပိတ်ထဲက အဝါရောင် ကဗျာလေးရယ် ပဲရှိတယ်။

သိပ်ကြီးကျယ်ခမ်းနားလှတယ်တော့လည်းမဟုတ်ပါဘူး။ ငါဟာ
ညီမလေးမင်ထစ်နေမှာစိုးလို့ရောက်လာတဲ့ ဘောပင်လေးတစ်ချောင်း။
နှာခေါင်းထဲ မေးခွန်းတွေ ရှူထည့်ရာက စခဲ့တာ။
ကိုယ့်ကျန်းမာရေးအရ ဒီတစ်ခါအသည်းကွဲရင် သေရုံပဲ။

နင့်နာမည်လေးကို တဖွဖွရွတ်ခြင်းက ငါ့အိပ်ဆေးခါးခါးတွေပေါ့။
အဆုံးဆိုတဲ့အတိုင်း ဆုံးပါး/ရှုံးသွားတော့မလား။
စိတ်ဆိုတာ နင်ရှိတဲ့အရပ်ကို မျက်နှာမူတဲ့ ငနဲကြီးပဲ။

စာအိတ်နှင့်အနီးတဝိုက်လုံခြုံရေးအတွက်နဲ့တော့ အဖုံးကို တံတွေးမဆွတ်နဲ့။
စာသင်ခန်းထဲထိ ကဗျာနဲ့လတ်ယားလတ်ယားဖြစ်နေတုန်း။
မိုးခေါင်တာထက် အတွေးခေါင်တာ ပိုကြောက်စရာကောင်းတယ်။
ဖြစ်တည်မှုနဲ့လွဲလည်း နင်နဲ့တော့ မလွဲချင်ဘူး။
စောလည်းမစောခဲ့ဘူး။နောက်လည်းမကျခဲ့ဘူးဆိုရင်တောင်
ငါကိုကလွဲနေခဲ့တဲ့ကောင်ဆိုတော့ ဒါကြီးကိုပဲကြောက်..ကြောက် နေရတယ်။

ကမ္ဘာကြီး နဂိုထဲကလည်နေရတဲ့ကြားထဲ
ငါရော။သံသရာရော။ဝဋ်ရော။တလက်စာထဲ ပါသွားတယ်။
ဒီမှာ...
လိပ်စာကိုသေချာကြည့်ပါ။
ပြီးမှ စာအိတ်ကိုတံခါးခေါက်ပါ။

နေပိုင်
၁၇.၀၂.၂၀၁၁

နာမည်ကြီး

မီးရောင်ဟာ အသားရောင်ပေါ်မှာဝင်းလို့
မျက်နှာလေးပေါ်မှာဝင်းလို့
အရေပြားလေးပေါ်မှာဝင်းလို့
ကင်မရာရှေ့ငိုပြီးစားတဲ့ထမင်း သူဌေးရှေ့ငိုပြီးစားတဲ့ထမင်း မိဘလုပ်စာနဲ့စားတဲ့ထမင်း
ဒီမိုကရေစီလေချဉ်နဲ့ ဘဝင်နဲ့ မင်းမသိသေးပါဘူးကွာ နဲ့
ငို ငို ငို ဝအောင်ငို ကင်မရာထဲမှာ ဘဝပျက်လည်း အပြင်မှသိက္ခာမပျက်ဖို့လိုတယ်
ခင်ဗျားသိထားဖုိ့က နာမည်ကြီးထမင်းငတ်လည်း မေတ္တာမငတ်ရင်ပြီးရော ကောင်းရောင်းကောင်းဝယ်
လုပ်စားတယ်ဆိုတာ မကောင်းဘူး လောလောဆယ်
ငါ့ကိုကြည့်နေမယ့်အစား ကင်မရာကိုကြည့် မင်းကိုကြည့်ရတာ ကင်မရာရှေ့မှာမီး
စား(ခံ)နေတယ် ဖက်ပစ်လိုက် သူ့ကိုအား
မနာနဲ့ နာမည်ကြီး
သွားစေရမယ်
ဘဝင်လေးကိုနည်းနည်းမော့ထား စိတ်လေးကိုနည်းနည်းကောက်ထား ဒါမှ ပိုလှမှာပေ့ါ
အရေပြား ညပြတ်ငှားရမ်းမှုတွေများလာတယ်
လွဲနေတဲ့သဘောထားနဲ့ အဲဒါမင်းနဲ့ဆိုင်လို့လားစိတ်ဓါတ်
ဘယ်လောက်ဝေဖန်ဝေဖန်ငါ
ခံနိုင်တယ်ဆိုပြီး ထင်ရာစိုင်းသွားတော့ စာချုပ်ထဲကွဲလိုက် အပြင်မှာကွဲလိုက်နဲ့
ကဒ်...
အဝတ်အစားမလဲနဲ့မင်းသမီး ခင်ဗျားအရေခွံတွေကိုပဲ စင်အောင်ဆေးခဲ့။

ကိုယ့်နည်းကိုယ့်ဟန်နဲ့ နိုးလိုက်ရတဲ့ မနက်ဟာ Update ဖြစ်ရန် ခဏအလို

ငါ့ကိုချောင်ပိတ်ထားတဲ့မျဉ်းကြောင်းတွေကိုတရားစွဲရမယ်။
လူမှုဆက်ဆံရေးနယ်ပယ်မှာ ဝင်/ဆံ့ ဖို့ လမ်းခုလတ်မှာ ကိုးယို့ကားယား။
အဆင်ပြေမယ်ထင်လို့နှုတ်ပစ်လိုက်တဲ့သွားက အသစ်ပြန်ပေါက်မလာတော့ဘူး။
ဘာမှမဟုတ်ဘူးဆိုရင်တောင် ငါပြုံးရင်သွားတစ်ချောင်းလိုနေဦးမယ်။
အခန်းထဲမှာမှောင်မိုက်။ တိတ်ဆိတ်။ ဟုတ်တယ်။
လမင်းကျကွဲတုန်းကလည်း ဒီအခန်းပဲ။ တံခါးဆွဲဖွင့်ဖို့ထက်
အလင်းရောင်ကိုကြောက်တဲ့စိတ်က ပိုများတယ်။
လက်ရှိအခြေအနေမှာ နားထောင်နေကျ I fought the law သီချင်း
Greenday ဆိုနေတုန်းမီးပျက်သွားလည်း ငါ့ဟာငါအော်ဆိုမယ်။ အော်/ကြီး/ဟစ်/ကျယ်။
ချစ်သူချာတိတ်မလေးနဲ့မတွေ့တာ (၂)ရက်ရှိပြီ။
လည်ချောင်းဝမှာ။ ကိုယ်နေလို့ထိုင်လို့မကောင်းဘူး။
မီးတောင်တစ်ခုရှာဖွေတွေ့ရှိ။ ကိုယ်။
မဟန်ဘူး။ ဘောပင်တစ်ချောင်း စာရွက်ပေါ်မှာ ကစဥ့်ကလျား
ပန်းတိုင်ရောက်အောင်ပြေးနေတယ်။ ငါလည်း ငါ့နည်းငါ့ဟန်နဲ့
မှောက်လျက်လဲ။ ပြန်ထ။ ဖုန်ခါသလိုလိုနဲ့ ပြဿဒါးတွေကိုခါပစ်လိုက်ချင်ရဲ့။ အဟက်(ခုမှရယ်လို့ရတာ)။
ဆစ်ခနဲနားထင်မှာ ထောက်ထားတဲ့သွေးကြောဟာ
ပြင်ပ အပူချိန် -၃ ဒီဂရီ ဆဲလ်ဆီးယပ်စ်နဲ့ လှိုင်းတိုမီတာ အကွာအဝေးပေါ် လတ်ယားလတ်ယား။
ခြင်္သေ့တစ်ကောင်။ အိပ်ယာထဲမှာ ပိတ်မိနေတယ်။ ငါ။
တူတူပုန်းတမ်းကစားရင်း။ ပျောက်သွား။ မနက်ကအထိ ရှိနေ/ခဲ့/ဖူး တဲ့ ရောဂါလက္ခဏာအစဟာ
ကဗျာရေးခြင်း။ စီးကရက်နှင့် ဒေါသကို
အင်တာနက်ထက်လူကြိုက်များတယ်။ လွမ်းဆွတ်ခြင်း။ စိတ္တဇဆန်ဆန်
တောင်ပံပါရင်မင်းဆီကို ... လို့ အော်ဆို..။ ဟေ့ကောင် ။
နားညီးတယ်။ တောက်ခတ်ခြင်းဖြင့် ကိုယ့်ကိုကိုယ် လူငယ်လို့သတ်မှတ်။
မာစီဒီးစ်တံဆိပ် ရည်းစားစာ။ အနီရောင်အဝိုင်း ခုံးလေး နှစ်ခုပွတ်သပ်နေရင်း တဖြည်းဖြည်း ဘာများဖြစ်လာမလဲလို့။
ဖတ်! ခနဲ...
Heart King လေးဟာ သူမလက်ထဲမှာ ကယောင်ကတမ်း
ဒီတော့ ကိုယ်က အစားထိုးမရတဲ့ ကျောက်ဖြစ်ရုပ်ကြွင်း။

ပုစွန်ဂဏန်းဟင်း

ပုစွန်တွေကိုဇလားထဲထည့်ပြီးရေဆေး။
သိပ်စင်အောင်မဆေးပစ်နဲ့။ လုံးဝဆေးပစ်လိုက်ရင်
ခေါင်းထဲရေဝင်ပြီး အနှစ်တွေပျောက်ကုန်မယ်။
ခေါင်းကိုမချွေနဲ့။ ခေါင်းဆိုတာအဓိက။ ခေါင်းကအနှစ်။
တစ်ချို့ကညစ်ပတ်တယ်ပြောတယ်။ အဲ့ဒါခေါင်းကညစ်ပတ်တာမဟုတ်ဘူး။
စိတ်ကညစ်ပတ်တာ။ သေချာမှတ်ပါမြ။
ခေါင်းကိုဖြတ်ပစ်ဖို့လုံးဝမစဉ်းစားပါနဲ့။
ပုစွန်ကိုပုံမပျက်ပဲအိုးထဲထည့်ပါ။ ဆီနည်းနည်းထည့်ပါ။
ဆားအများကြီးမထည့်နဲ့။ ပုစွန်ဟာ ငန်သလိုချိုတယ်။
အချိုမှုန့်ဆား နည်းနည်းစီပဲထည့်။ ရေကိုပုစွန်မြုပ်အောင်ထည့်။
ခင်ဗျားအာလူးကြိုက်တတ်ရင် အာလူးထည့်လို့ရတယ်။ ပိုကောင်းတယ်။
ပုစွန်ချည်းသက်သက်ဆို ပုစွန်ပဲခင်ဗျားစားရမယ်မဟုတ်လား မြ။
ဒီတော့ အာလူးကို အနေတော်စိပ်ပြီးထည့်။ ဒါပေမယ့် အာလူးဆိုတာကြာတယ်။
နူးအောင်ပြုတ်ဖို့ကြာတယ်ပြောတာ။ အာလူးလာမပေးနဲ့ဆိုတာသိတယ်မလား။
ကြာလို့ပြောတာ။ ခုနကရေထည့်ပြီးရင် မဆလာများများခပ်။
ငရုပ်သီးအစိမ်းမှုန့်ထည့်။ မန်ကျည်းရည်ထည့်။ ဒါမှ ချဉ်စပ်ရမှာ။
ပြီးရင် အဖုံးလေးနည်းနည်းဟထား။ ပစ်ထားလို့ရတယ်။
အရိပ်တကြည့်ကြည့်စောင့်ကြည့်နေရအောင်ထိ မလိုဘူးမြ။
ခင်ဗျားသူ့ကိုပစ်ထားလိုက်။ ရေနည်းနည်းခမ်းသွားပြီဆို အာလူးကိုစမ်းကြည့်။
နူးမနူး။ ရေနည်းနည်းထပ်ထည့်။ ထပ်ပစ်ထားလိုက်။ အဲလိုနဲ့ ခင်ဗျားအာလူးနူးလာပြီဆို
အရည်ပျစ်ပျစ်လေးရတဲ့အထိ စောင့်။ နံနံပင်ကြိုက်ရင် နံနံပင်အုပ်လို့ရတယ် မြ။
ကိုယ်ကတော့မုန်းတယ်။ မအုပ်ဘူး။
ခုနကကိုယ်ပြောသလိုအရည်ပျစ်ပျစ်ရပြီဆို မီးလျှော့။ ထမင်းခူးပြီး ခင်ဗျားစားလို့ရပြီ မြ။


နေပိုင်
၀၈ မတ် ၂၀၁၃
၁၂း၂၇