Friday, April 26, 2013
အိမ်ယာမဲ့ (၂)
ရန်ကုန်ကို တံခါးခေါက်လည်း အထဲမှာ ရန်ကုန်မရှိဘူး။
ရန်ကုန်ဟာ သူ့ခြေမနဲ့သူ အိမ်ပေါ်ကဆင်းသွားတယ်။
ခုည ကျွန်တော်တို့ဘယ်လိုအိပ်ကြမလဲ။
၂ဝဝ တန် ပိုက်ဆံအကြွေလေးပေါ်က ခြင်္သေ့ရုပ်မှာ အိမ်ရှိလား။
ရွာလာတဲ့မိုးမှာကော အိမ်ရှိလား။
ကိုယ့်ခြေထောက်ကို သွေးရိုးသားရိုး အိမ်နံပါတ် တပ်တယ်။
အဖြူတလှည့် အနီတလှည့် ပလက်ဖောင်းများ။
ဘယ်တလှည့် ညာတလှည့် ခြေလှမ်းများ။
မျက်လုံး၂ဖက်ပိတ်ဖို့ ငွေကြေးဘယ်လောက်လိုမလဲ။
နောက်တစ်ခါ ၂ဝဝ တန်အဟောင်းလေးကို ထပ်ကြည့်တိုင်း
ဖိနပ်သဲကြိုးလေးက ကိုယ့်ကိုအားနာတယ်။
ကိုယ်အခု မြို့နာ ပြနာ ကျနေတယ်။
ပလက်ဖောင်းနံပါတ်ဟာ ၄၃ဟာ ကိုယ့်ခြေထောက်နဲ့ မတော်လို့။
နေပိုင်
၀၉.၀၈.၂၀၁၂
၀၃း၀၉
Subscribe to:
Post Comments (Atom)
No comments:
Post a Comment