Friday, April 26, 2013
Effect တစ်ခုနှင့် ဂန္တဝင်ဆန်ဆန် သေဆုံးခြင်း ကိုယ်တို့
ကောင်းကင်ကို မော့ကြည့်လည်း ဂျူနိုကိုပဲမြင်ရတယ်။
အချိန်ကာလဟာ တစ်နည်းအားဖြင့် shock တစ်ခုဖြစ်သွား
လမ်းလွဲစ digital ရာသီဟာ သိပ်မဝေးပါလားလို့
ခံနိုင်ရည်မဲ့စွာ အသွင်ပြောင်းလဲပစ်တော့မယ့် တေးသွား
"ကိုယ်ဟာ လူယုတ်မာ ဖြစ်ကောင်းဖြစ်မယ်။
ကိုယ်ဟာ ကိုယ့်ဘက်ကိုယ်ယက်တတ်တဲ့ လူယုတ်မာ ဖြစ်ကောင်းဖြစ်မယ်"
အချစ်ဟာ အမျိုးသားရေးမဟုတ်တဲ့အတွက်
ဂျူနိုဟာလည်း ကိုယ်.. ကိုယ်ကျိုးစွန့်ခံမယ့် လက်ကောက်ဝတ်မဟုတ်ဘူး
"ရှင်ဟာလေ ကျွန်မကိုပဲ လိုက်စနေတော့တာပဲ" လို့/သူမ
ကိုယ်ဒဏ်ရာမရခင်က တုန့်ပြန်မှုတစ်ခုကို လိုအပ်ကြည့်ရ
ကောင်းမှန်းမသိဘူး။ ချစ်ရင်ချစ်တယ်လို့ ပြော/ပြီးမှ
ရလက်စ/ပြုစုလက်စ အစအနကို သေသေချာချာ သွေးထွက်ကြည့်
ပြက္ခဒိန်ဟာ ပြဿဒါးသေလို့ဝင်စားလည်း ကိုယ်
သရေအရှုံးပေးပြီးလောင်းမှာပဲ။ ကိုယ်တို့ယုံကြည်မှုဟာ
ကိုယ်တို့လက်ကောက်ဝတ်ထဲမှာပဲရှိတယ်။ အောက်မြောက်ထောင့်အရပ်၌ရှိသော
တွားသွားမှုတစ်ခုနဲ့ လိုက်လျောညီထွေဖြစ်ဖို့
ချွတ်ယွင်းနေခဲ့သလား။
လင်းယုန်ငှက်ကို မိတ်ကပ်သုတ်ပေးစရာအကြောင်း
မရှိဘူး(။)ကိုယ်တို့ နှစ်ယောက်ကလွဲရင်
ယုံကြည်မှုကို သူများအား ပေးမဖတ်ဘူး။
"ဟုတ်တယ်မလား" လို့ နယ်ရုပ်လေးက ကံကြမ္မာကို ခြေတစ်လှမ်းနဲ့
အစား/ခံ ပြတယ်။
ကိုယ်မကြိုက်တဲ့နယ်မြေတွေလည်း တိတ်ဆိတ်
စစ်ပွဲဟာ ကိုယ်တို့သွေးလန့်ဖို့
ဘယ်လည်ချောင်းထဲမှာမှ အသံကောင်းဟစ်မှာမဟုတ်ဘူး။
ထားတော့။ ကိုယ့်ကိုပဲ မင်းချစ်ရမှာ/သင့်တာ
အဆိပ်နဲ့လက်ကောက်ဝတ်ဟာ/မှာ
ပြောင်းပြန်သက်သက် စီးဆင်းတယ်။
နေပိုင်
၁၅.၀၆.၂၀၁၂
Labels:
ကဗျာ
Subscribe to:
Post Comments (Atom)
No comments:
Post a Comment